இப்பக்கம் சரிபார்க்கப்பட்டது.
குறும்பா
13
சாதிமதக் கட்டெதிர்த்து நின்றான்
‘சாதலடி காதல்இன்றேன்’ என்றால்;
ஒதுபணக் காரப்பெண்ணாள்
உறவுவர மனம் திரிந்தான் ---
தாதை சொல்லை மீறல்குற்றம் என்றான்!
◯
ஊர்ப்பொருளைத் தன்பொருளாய்ச் சேர்த்தான்
ஒருவருக்கும் கொடுக்காமல் காத்தான்;
சார் குடிக்கும் கூத்திக்குமாய்ச்
சழக்கரசுக்கு ஈகையிலே
நேர்புரட்சி வந்தது பார், வேர்த்தான்!
◯
ஞாயிற்றொளி எழுந்ததுவே கீழ்ப்பால்
நல்ல ஒளி பரவியது மேற்பால்.
ஆயினும் நம் வவ்வால்களும்
குருடர்களும் ஐயோ ஒளி
பாயவில்லை எனப்புலம்பும் ஒர்பால்!
◯
திருடன் திருடன் என்று குரல் தந்தான்
தெருவில் சென்றோன் துணைபுரிய வந்தான்;
'இருப்பதினைக் கொடுத்துவிடு,
இல்லையென்ருல் மாள்வாய்’ என்று
‘திருடன்’ குரல் தந்தவனே நின்றான்!
