இப்பக்கம் சரிபார்க்கப்பட்டது.
குறும்பா
31
மனநோய் மருத்துவமனையில் ஒருநாள்
மாண்புகளே கலந்து கொண்ட திருநாள்
என்ன நடந்ததோ அறியேன்
இருந்த நாட்டின் குழப்பம் நீங்கிக்
கனவுப் பொது வுடைமை வந்தது மறுநாள்!
◯
மூன்று தமிழ் எழுத்தாளர் கூடி
முத்தமிழ்க்கும் தாமே உயிர் நாடி
போன்றுரைத்தார், இருவர் செல்லப்
"பொய் எதற்கு? நானில்லையேல்
சான்றே"தென்றார் தனித்து நின்ற தாடி!
◯
நீச்சலுடையில் நடிக்கமாட்டேன் என்றாள்
நெறி பிழையாக் கற்பினள் போல் நின்றாள்.
பேச்சொழித்துப் பணம் எடுத்தார்...
பேசவில்லை திரைநடிகை
நீச்சலுடையும் அவிழ்த்து அவரை வென்றாள்!
◯
காந்திதலை நாணயத்தைப் பார்த்தான்
கள்ளருந்த மனமின்றி வேர்த்தான்;
ஏந்து மதுக் கொணர்ந்தவரின்
எண்ணம்வர, நேருதலை
போந்த பணம் தந்து கள்ளைச் சேர்த்தான்!