இப்பக்கம் சரிபார்க்கப்பட்டது.
34
கோவேந்தன்
தொலைக்காட்சி என்றொலிக்கச் சொன்னேன்
தொல்லைக்காட்சி என்று பேரன் சொன்னான்;
பலுக்கினான் வானொலியை
வீணொலி என்று ஆர்வமுடன்
நிலையத்துண்மை அறிந்தென்னையே வெறேன்!
◯
பாம்பனைத்தும் வடிவம் ஒன்று போலே
பாராளுவோர் அமைச்சர் என்பதாலே
நாம் மகிழ்ந்தோம் வாக்களித்தோம்
நச்சு மனப்பான்மையினார்
தாம் யார் என்று காட்டிவிட்டார் மேலே!
◯
சந்தனக்காட்டை கடந்துவரும் காற்று
தழுவும் மணம் குளிர்ச்சி மருவும் ஊற்று!
சிந்தனைக்காகும் செந்தமிழ்ப்பாட்டு
சிலிர்த்தெழுந்த புரட்சிக்குப்பின்
தந்து மகிழும் இன்னலத்தின் நாற்று!
◯
களிற்றுயானை மீதிருந்தான் செல்வன்
கழனியெல்லாம் பாழ்படுத்தினான் கள்வன்:
பிளிற்று வண்ணம் தோட்டிகொண்டு
பெருமிதத்தால் குத்திவிட்டான்
பழிக்குப்பழி வாங்கிவிட்டது கொம்பன்!
