இப்பக்கம் சரிபார்க்கப்பட்டது.
20
சிரிப்பதிகாரம்
- பாரேன். அது சரிங்க. நீங்க சமரஸ வியாதி,
- இவர் என்னா வியாதி? சம்சார வியாதியா?
பேபி : வியாதியாவது வெண்டைக்காயாவது நாடகத்திலே
- இவர்தான் கதாநாயகியா வரப்போகிறார்!
சாமி : என்னா எளவு, இவரா! தாடியுங்கீடியுமா இருக்கு!
பேபி : தாடி! இது ஒரு மீடியம் ஆப் லவ், ஹிப்பியுகச்
- சுப்பிகளிடம் உப்பியிருக்கும் காதல். எங்க ராஜா
- ஆக்ட் பண்ணினால், பெண்களெல்லாம் பிச்சை
- வாங்கணும். பார் ஆக்ட் பண்றோம். நீயே
- பாரேன். உம், ராஜா, கமான்... ஆ... மை-டியர் டிலைலா!
ராணி : ஓ! மை ஸ்வீட் ஸாம்ஸன்!
சாமி : உம்... பேஷ் பேஷ் காதல் கட்டம் கனஜோராயிருக்குதே!
பேபி : ஆம்! காதலென்பது தொட்டதும் கெட்டுப்
- போகும் ஊறுகாயல்ல. அது வெட்ட வெட்ட
- ஊறும் அமுத ஊற்று. சாமி! காதலென்னும்
- ஜீவநதி உற்பத்தியாகும் இடம் எது தெரியுமா!
சாமி : எது? காலேஜ் கட்டிடங்களா?
பேபி : நீ ஒரு முட்டாள். தியாகமென்னும் மலையில்
- தான் ப்ரேமை அருவி பொங்கி எழுகிறது.
- காதலுக்காக உலகம் உயிரைவிட வேண்டும். அது
- ஒரு கலை.
சாமி : ஓகோ உயிரை விடறத்துக்குத்தான் கலைன்னு
- பேரா? இந்தக் கலை வளர்ந்தா உலகத்திலே
- ஜனத்தொகை குறையும்!
பேபி : ஆம்! அந்தக் கலையை உலகுக்குப் பரப்ப
- வேண்டும். காதல், தியாகம், கலை இதுவே என்
- லட்சியம். இதற்காக மஜ்னுவைப் போல் மடிய
- வேண்டுமா? ரோமியோவைப் போல் சாக