10
புடைப்பிற் கற்றும் பூந்தலைச் சிறுகோல் உண்ணென் றேக்குடி புடைப்பத் தெண்ணீர்
முத்தரிப் பொற் சிலம்பொலிப்ப... பந்தரோடி
என்னே இவ்விரு காட்சிகளின் இருவேறு தன்மைகள்! முன்னையது குழந்தையின் பசியைப் போக்கும் முயற்சி. பின்னையது குழந்தையின் பசியையுண்டாக்கும் முயற்சி. ஆயினும், வாழ்விலும் தாழ்விலும், தமிழகத் தாய்மார். தம்மக்கள் சான்றோர் எனக் கேட்டபோதுதான் ஈன்ற பொழுதினும் பெரிதும் மகிழ்ந்தனர்; தாய்மையின் தகைமைக்கும் முரணாகப் பிறப்பொத்த தம்மக்களுள் அறிவுடையோரையே மிகவும் போற்றினரென்பதை.
"பிறப்போ ரன்ன உடன்வயிற் றுள்ளும்
சிறப்பின் பாலால் தாயுமனந் திரியும்” -புறம்.183
என்ற புறநானூற்றடிகள் விளக்கும். அதுமட்டுமா? இதற்கு முற்றிலும் மாறாகத் தன் மகன் சான்றோர் பழிக்கும் தீயோன் என்றால் அதைக் கேட்டு வாழ்வதை விட-அவனைப் பெற்ற வயிறு பற்றியெறிய அவ்வயிற்றுடன் வாழ்வதைக் காட்டிலும் - அவ்வயிற்றையே கிழித்துப் பழிவாங்கிப் பின்னர் இறப்பேன் என முழங்கினள் ஒரு தாய் என்றால் தமிழகத் தாய்மாரின் தாய்மைக் கடமையுணர்ச்சிதான் என்னே!
"வாதுவல் வயிறே வாதுவல் வயிறே
தோலா அதனகத்து உன்னின்ற னனே!
எம்மில் செய்யா அரும்பழி செய்த
