குறுந்தொகை

Wikisource தளத்திலிருந்து

[தொகு] குறுந்தொகை

கடவுள் வாழ்த்து

தாமரை புரையும் காமர் சேவடிப்

பவளத் தன்ன மேனித் திகழொளிக்

குன்றி ஏய்க்கும் உடுக்கைக் குன்றின்

நெஞ்சுபக வெறிந்த வஞ்சுடர் நெடுவேல்

சேவலங் கொடியோன் காப்ப

ஏமம் வைக லெய்தின்ற லுலகே

-பாரதம் பாடிய பெருந்தேவனார்.

பாடல் 1:

குறிஞ்சி - தோழி கூற்று

செங்களம் படக்கொன் றவுணர்த் தேய்த்த

செங்கொ லம்பிற் செங்கோட்டி யானைக்

கழல்தொடிச் சேஎய் குன்றம்

குருதிப் பூவின் குலைக்காந் தட்டே.

-திப்புத் தோளார்

பாடல் 2:

குறிஞ்சி - தலைவன் கூற்று

கொங்குதேர் வாழ்க்கை அஞ்சிறைத் தும்பி

காமம் செப்பாது கண்டது மொழிமோ

பயிலியது கெழீஇய நட்பின் மயிலியல்

நறியவும் உளவொ றீயறியும் பூவே.

-இறையனார்

பாடல் 3:

குறிஞ்சி - தலைவி கூற்று

நிலதினும் பெரிதே வானினும் உயர்ந்தன்று

நீரினும் ஆரள வின்றே சாரல்

கருங்கோற் குறுங்சிப் பூக்கொண்டு

பொருந்தேன் இழைக்கும் நாடனொடு நட்பே.

-தேவகுலதார்

பாடல் 4:

நெய்தல் - தலைமகள் கூற்று

நோம்என் நெஞ்சே நோம்என் நெஞ்சே

இமைதீய்ப் பன்ன கண்ணீர் தாங்கி

அமைதற் கமைந்தநங் காதலர்

அமைவிலர் ஆகுதல் நோம்என் நெஞ்சே

-காமஞ்சேர் குளத்தார்

பாடல் 5:

நெய்தல் - தலைவி கூற்று

அதுகொல் தோழி காம நோயே

வதிகுரு குறங்கும் இன்னிழற் புன்னை

உடைதிரைத் திவலை அரும்புந் தீநீர்

மெல்லம் புலம்பன் பிரிந்தெனப்

பல்லிதழ் உண்கண் பாடொல் லாவே.

-நரிவெரூ உத்தலையார்

பாடல் 6:

நெய்தல் - தலைவி கூற்று

நள்ளென் றன்றே யாமம் சொல்லவிந்

தினிதடங் கினரே மாக்கள் முனிவின்று

நனந்தலை உலகமும் துஞ்சும்

ஓர்யான் மன்ற துஞ்சா தேனே.

-பதுமனார்

பாடல் 7:

பாலை - கண்டோர் கூற்று

வில்லோன் காலன கழலே தொடியோள்

மெல்லடி மேலவும் சிலம்பே நல்லோர்

யார்கொல் அளியர் தாமே ஆரியர்

கயிறாடு பறையிற் கால்பொரக் கலங்கி

வாகை வெண்ணெற் றொலிக்கும்

வேய்பயில் அழுவம் முன்னி யோரே.

-பெரும்பதுமனார்

பாடல் 8:

மருதம் - காதற் பரத்தை கூற்று

கழனி மாஅத்து விளைந்துகு தீம்பழம்

பழன வாளை கதூஉ மூரன்

எம்மிற் பெருமொழி கூறித் தம்மிற்

கையும் காலும் தூக்கத் தூக்கும்

ஆடிப் பாவை போல

மேவன செய்யுந்தன் புதல்வன் தாய்க்கே.

ஆலங்குடி வங்கனார்.