56
அணியறுபது
திருத்தன்னை நீப்பினும் தெய்வம் செறினும் உருத்த மனத்தோடு உயர்வுள்ளின் அல்லால் அருத்தம் செறிக்கும் அறிவிலார் பின்சென்று எருத்திறைஞ்சி நில்லாதாம் மேல்.
(நாலடி,304)
சிறந்த மேலோருடைய சீர்மையை இது வரைந்து காட்டியுள்ளது. வறுமையுறினும் சிறுமை அடையநேரார்; யாண்டும் மானமும் மதிப்பும் பேணியே வாழ்வார். பான்மை படிந்துவர மேன்மை விளையும்.
ஞானமும், மானமும், பணிவுடைமையும், பண்பும் மக்களுக்கு அணிகலன்களாய் அழகு செய்து வருகின்றன. அந்தப் பான்மைகள் தோய்ந்து மேன்மைகளை யடைந்து எவ்வழியும் செவ்வியராய் வாழ்க.
16. கேட்கும் செவிக்கனிகோள் கேளாமை;
கேழ்கிளரும்
தோட்குச் சிறந்த அணி தோலாமை;-தாட்கணி :தாவென் றோருவனிடம் சாராமை; தன்வாய்க்கு
நாவென்றி யேயணியாம் நன்கு.
(கசு)
ஒருவனுடைய செவிகளுக்கு அழகு கோள் உரைகளைக் கேளாமை, தோள்களுக்கு அழகு தோல்வி நேராமை: தாள்களுக்கு அழகு தா என்று எவரிடமும் சாராமை; வாய்க்கு அழகு யாண்டும் வழுவாமல் என்றும் வெல்ல வுரிய நல்ல சொல்லே என்க.
கோள் என்பது பிறரைக் குறித்துப் பிழையாகப் பழித்துச் சொல்வது. கொளுவிக் கொள்ளும்படி
