16 ♦ என் அமெரிக்கப் பயணம்
5 மணிக்கு மேல் அமையும் பகலவன் மறையும் மாலை நேரக் காட்சி இலவசமாகக் காட்டப்பெறும். நாள்தோறும் 9-30 முதல் 11-30 வரை பார்வையாளர் அனுமதிக்கப்பெறுவர். பாதுகாப்பு ஏற்பாடுகளால் சுணக்கம் அதிகம். கட்டணம் 13 டாலர். 65 அகவைக்கு மேலுள்ளவர்கட்கு 9% டாலர்; 13-17 அகவை வரை 11 டாலர்; 6-12 அகவை வரை 6% டாலர்.
இந்த இரட்டை கோபுர அடுக்கு மாளிகைகள்தாம் பின்லேடன் என்ற தீவிரவாதியால் அழிக்கப்பெற்றன; உலக மக்கள் துக்கக்கடலில் ஆழ்ந்தனர்.
மான்காட்டன் நடுப்பகுதி
1. அமெரிக்கன் அருங்காட்சியகம் (இயற்கை வரலாறு)[1]
2. மத்திய பூங்கா[2]
3. எம்பயர் ஸ்டேட் கட்டடம் [3]
4. இன்ட்ரெபிட்என்ற மிதக்கும் அருங் காட்சியகம் [4]
5. நியூயார்க் பொது நூலகம்: இஃது ஒர் ஆய்வு நூலகம்; இது 5 மில்லியன் (50 இலட்சம்)நூல்களைக் கொண்டது; இவற்றில் பிரத்தியேகமான அமெரிக்கன் வரலாறு, கலைபற்றிய பருவஏடுகள்[5], யூத கீழ்த்திசை இலக்கியம் அடங்கும். முக்கிய அறைகள் செவ்வாய்-புதன் 11-7.30 மணி; வியாழன்-சனி 10-6 மணி, திறந்து வைக்கப்பெறும்; விடுமுறை நாட்களில் மூடப் பெற்றிருக்கும். அனுமதி இலவசம்.
6. இராக்ஃபெல்லர் மையம்[6]: இது நிலவறைக்குக் கீழே இருபத்து நான்கு ஏக்கர் பரப்பில் கடைகள், உணவு விடுதிகளைக் கொண்டது. நகரமைப்புத் திட்டத்திற்கு மாதிரியாக இருப்பது.நாமாகச்சென்று பார்ப்பதற்கு வழிகாட்டும் குறிப்பேடு தகவல் மையத்தில் வழங்கப்பெறும்.
7. என்.பி.சி படம் எடுக்கும் அமைப்பு[7]: பல்வேறு தொலைக் காட்சிப் படங்கள் எடுக்கப் பெறும் இடம். செய்திகள் முதலியவை படமாக எடுக்கப்பெறும். திங்கள்-சனி 8.30-5.30 மணி, ஞாயிறு 9.30-4.30 மணி, 15 மணித்துளிகள் பார்க்கலாம். 7 மணி முதல் நுழைவுச் சீட்டு விற்பனை தொடங்கும். கட்டணம் 17½ டாலர் முதியோர், 6-16 அகவையோருக்கு 15 டாலர் 6 அகவைக்குக் கீழுள்ளவர்க்கு அனுமதி இல்லை.