இப்பக்கம் மெய்ப்பு பார்க்கப்பட்டுள்ளது
திருக்குறள் மெய்ப்பொருளுரை- பெருஞ்சித்திரனார்
1
அ. அறத்துப்பால்
- 'கடலக வரைப்பின்இப் பொழில்முழு தாண்டநின்
- முன்திணை முதல்வர்' - பதிற்று 14.
- எனும் பாடலடி, இமயவரம்பன் நெடுஞ்சேரலாதனைக் குமட்டுர்க் கண்ணனார் பாடியது. இதில் இவ்விந்திய நாடு முழுமையும் தமிழரால் ஆளப்பெற்றமை குறிக்கப்பெற்றது.
- 'கல் ஓங்கு நெடுவரை வடதிசை எல்லை இமயம் ஆக, தென்னம் குமரியொடு' அற்றை, 'இமிழ்கடல் வேலித் தமிழகம் விளங்கித்' தோன்றியது.
- தமிழரின் ஆட்சி வரலாறு மட்டுமன்று, அவர்தம் பண்பியல் மாட்சி வரலாறும் மிகச் சிறந்து விளங்கித் தோன்றியிருந்த பெருமை உலகம் அறிந்தது.
- இப்பண்பியல் மாட்சியின் பெருமைக்குத் திருக்குறளே தலைசிறந்த சான்றாக நின்று நிலவுகிறது என்பதை எவரும் மறுத்தற் கியலாது.
- தமிழரின் மிக்கோங்கிய பெருமைப் பண்புக் கூறுகளில், ஆறவுணர்வு என்பது மாந்த மனத்தினது நறுமணம் கொழுவிய ஒரு மலர் போல் ஆகும் எனில் மிகையாகாது.