இப்பக்கம் மெய்ப்பு பார்க்கப்பட்டுள்ளது
144 ☐ கனிச்சாறு - இரண்டாம் தொகுதி
வாழ்வே இலை வீழ்வே என
வருவாய் தமிழ் மகனே - உடன்
வருவாய் தமிழ் மகனே - தலை
மகனே! - வரும்
தாழ்வே தவிர் இனப்போர்புரி!
தமிழே பெறும் நலமே - செந்
தமிழே பெறும் நலமே - பெரு
நலமே!
(தமிழ்த்)
-1975
87 தொண்டுக்குத் துணையாக வந்தவர்!
“துன்பம் இருக்கும்;
துணையிருக் காது
இன்பம் என்பதோ
என்றும் கனவுதான்!
அன்பென்ப தெல்லாம்
அளிக்கின்ற வரையில்!
தென்பெது தெரியுமா,
தேயாத தமிழ்தான்!
-என்ன சொல்கிறீர்?” என்றே, என்னொடும்
தொண்டு செய்திடத் துணிந்து முன் வந்த
அன்பர் ஒருவர்க்கு அமைதியாய்ச் சொன்னேன்;
“நன்றே வாழ்க, உம் தொண்டு” - எனவாழ்த்தி
நின்றுகொண்டி ருந்தவர் நீட்டினார்! நடையே!
