இப்பக்கம் மெய்ப்பு பார்க்கப்பட்டுள்ளது
பாவலரேறு பெருஞ்சித்திரனார் ☐ 61
38 பழிபறித் துண்பார்.....!
கையடி காட்டிக் கரவடி எண்ணிக்
கருத்தழியப்
பொய்நிழ லாட்டிப் புரையுரை கூறிப்
புழுவயிற்றுப்
பைநிறை வாகப் பழிபறித் துண்பார்
பகட்டிலெல்லாம்
மெய்நிறை காணார் உளநலம் முற்றும்
மிளிர்ந்தவரே!
-1965
39 தமிழா, ஒன்று செய்!
ஆரியர்க்குப் பாய்விரித்தாய்! ஆங்கிலர்க்குக் கற்பிழந்தாய்!
பூரியர்செய் இந்திக்குப் பொற்பிழந்தாய்! - யார்யார்க்குத்
தாள் பிடிக்கக் காத்திருக்கின் றாயோ தமிழ்மகனே,
வாள் பிடிக்குங் கையால் வணங்கியே! - கேளினிமேல்
மீசை மழித்துவிடு; முன்குடுமி வைத்துக்கொள்!
காசைப் பெரிதாய்க் கருத்தில்வை; - கூசுகிலா
மானம் அறக்கழற்று! மாண்பை உதறியெறி!
ஏனோ உனக்கு மனைவி மக்கள்? - ஊனுடலை
நன்றாய் வளர்ப்பதுவே நல்வாழ்க்கை! - நாள் முழுதும்
தின்று கொழுத்துத் திரி!
-1965
