பரிப்பெருமாள்
65
திருமுருகாற்றுப்படை யுரை
திருமுருகாற்றுப் படைக்குள்ள பல உரைகளில் நச்சினார்க்கினியருரையே எல்லாரும் அறிந்ததோருரையாகும். திருப்பனந்தாள் ஸ்ரீ காசிமடத்தினின்று வெளியிடப்பெற்ற திருமுருகாற்றுப்படை உரைக் கொத்தில் பரிப்பெருமாளுரையும் காணப்பெறுகின்றது. அதில் கவிப் பெருமாள் என்று குறிக்கப் பெற்றுள்ளார். இவருடைய உரை எளியநடையில் அமைந்துள்ளது; ஆற்றொழுக்காகவும் உள்ளது. இவ்வுரை சிலவிடங்களில் பிறருரையினும் சிறந்துள்ளது. " சின்னாள் ஆவினன் குடி அசைதலும் உரியன்" என்புழிச் "சின்னாள் " என்பதற்குப் பிறரெல்லாம் 'சிலநாள்' என்று உரைவகுத் திருக்கப் பரிப்பெருமாள் 'சின்-அசைநிலை' என்று கூறி 'நாள்' என்பதற்கு 'எங்ஙளும்' என்று உரைதந்துள்ளார்.' முருகப் பெருமான் ஆவினன்குடியில் சின்னாள் தங்கியிருத்தலுமுரியன்’ என்னும் உரையினும் 'எங்காளும் இருப்பன்' என்ற பரிப்பெருமாளுரை சிறந்திருத்தல் காண்க. இனிப் 'பழமுதிர் சோலைமலை கிழவோனே' என்ற வரிக்குப் 'பழங்கள் உதிரும் சோலைகளையுடைய மலைக்குரியவன் ' என்று பிறரெல்லாம் பொருள் தங்துள்ளனர். ஆனால் பரிப்பெருமாள், ' பழங்கள் முற்றப் பெற்ற சோலைமலைக்குரியவன் ' என்று பொருள் கூறியுள்ளார். இதனால் முருகனுக்குரியமலே 'சோலைமலை ' என்று பரிப்பெருமாள் கருதினார் என அறியலாம். இதனானும் திருமுருகாற்றுப்படைக்கு இவருரைத்த உரை சிறந்து கிற்றல் அறியத்தகும்.
