அன்பு மாலை
33
(கட்டளைக் கலித்துறை)
காலம் கடந்து சுடர்விடும் அந்தக் கடவுளரைக்
கோலம் கடந்த பிரமத்தை யார்கொலோ கூர்ந்தறிவார்?
ஞாலம் கடந்த புகழான் அருணையாம் நன்னகரில்
தூலங்கொள் ராம சுரத்குமார் தன்னைத் துதித்திடுமே.
தூலம் - திருமேனி.
ஓங்காரத் துள்ளே ஒளியாய் இருக்குமவ் வுத்தமனைத்
தேங்கார்வத் தோடே தியானிக்கும் உள்ளம் சிறக்கஅருள்
நீங்காத ஞானியாம் ராம சுரத்குமார் நீளடியைப்
பாங்காரப் போற்றிப் பணியுங்கள், எல்லாப் பதம்வருமே.
பாங்கு ஆர- முறை அமைய, பதம் - பதவி.
ஆணவம் அற்ற நிலைதன்னை யார்க்கும் அருள்புரிவான்;
நாணமொன் றில்லாத மெய்ஞ்ஞான வாழ்வினை நல்கிடு
பூணவும் பேசவும் ஏத்தவும் நல்ல புனிதன்எனக் [வான்,
காணவும் உள்ளான்நல் ராம சுரத்குமார்,கண்ணியனே!
வேதத்தின் செம்பொருள்,ஆகம
நற்பொருள், விளங்குபத்திக்
கீதத்தின் மெய்ப்பொருள், எல்லா
மறிந்தும் கிளர்தெளிவின்
றேதப் படும்மனத் தெல்லோரும்
வந்தே இறைஞ்சுகின்றார்
சேதப் படாத அருள்ராம்
சுரத்குமார் சீரடியே.
தெளிவு இன்று - தெளிவில்லாமல், ஏதப்படும் . துன்பத்தை அடையும்.
