இப்பக்கம் மெய்ப்பு பார்க்கப்பட்டுள்ளது
_____________50 அடிகளாசிரியர்
41. எங்கள் நல்ல வீடு
(தம்பியர் கூற்று)
சுவை: உவகை
1. எங்கள் நல்ல வீட்டினுக்கே
என்றும் முதல்வர் தாய்தந்தை;
எங்கள் அண்ணன் அக்காவும்
எங்கட் குதவும் நற்றுணைவர்.
2. அன்பும் அறிவும் இன்சொல்லும்
அனைவர்க்கு அமைந்த நல்லகுணம்;
இன்பம் அன்றி, எங்களிடம்
என்றும் துன்பம் இருந்ததில்லை.
3. காலைப் பொழுதில் எழுந்திடுவோம்.
கடவுளை எண்ணித் தொழுதிடுவோம்;
வேலை பலவும் செய்திடுவோம்,
வீணே சோம்பித் திரியோமே.
4. படிக்கும் சிறுவர் படித்திடுவார்;
பணிகள் செய்வோர் பணிசெய்வார்
அடித்தே வேலை யிடமாட்டார்;
அன்பே நிறைந்த எம்தந்தை.
