46
சிறுகதைகள்
“பேஷ் ஜோராயிருக்கு; பத்தாயிரம் நோட்டீஸ் போடுங்க”
“எஸ்” மானேஜர் கூனன்போல் நின்று கொண்டிருந்தார்.
“செட்டியார் வேலைக்காரனைப் பார்த்து, “டேய் ரத்தினம்! இங்கேயே இருந்து நோட்டீசையெல்லாம் வாங்கி...”
“சுவத்திலே ஒட்டி விடுகிறேனுங்கோ”
“அட மடையா!... இது ‘வால்போஸ்ட்’ இல்லைடா. தெருவுக்குத் தெரு கொண்டு போய்க் கொடுடா. பத்தாயிரம் நோட்டீசும் சாயந்திரத்திற்குள்ளே செலவாகி விடணும்...ஆமாம்”
“உத்தரவு எஜமான்”
மானேஜர் தலைவணங்கிக் கும்பிட்டு வழியனுப்ப ராமநாதன் செட்டியாரின் கார் பறந்தது.
“ஓய் மிஷின்மேன்! பத்தாயிரம் நோட்டீஸ்” உடனே போடு. ‘புளு’ மையில் போடும். ஓய்! கம்பாசிட்டர்! நோட்டீசைத் தயாராக்கிக் கொடு, சீக்கிரம்”
மானேஜர் அவசரத்தால் குதித்துவிட்டுச் சாப்பாட்டுக்குப் புறப்பட்டார். கந்தசாமி மாதிரித்தாளுடன் உள்ளே சென்றான். அச்சுக் கோர்வையை எடுத்து எடுத்து இரும்புச் சட்டத்தில் பொருத்தினான். அப்போது அவன் கைகளில் சிறிது நடுக்கம் காணப்பட்டது. அவன் முதலில் கோர்த்திருந்த சில எழுத்துக்களைப் பிடுங்கினான். வேறு எழுத்துக்களைப் பொறுக்கி அந்தக் காலி இடங்களில் அமைத்தான்.
