அஞ்சியத்தை மகள் நாகையார்
அஞ்சியத்தை மகள் நாகையார்[தொகு]
அகநானூறு-352[தொகு]
குறிஞ்சித்திணை[தொகு]
- (வரைந்தெய்திய பின்றை மணமனைக்கட் சென்ற தோழிக்குத் தலைமகள் சொல்லியது;
- வரைவுமலிந்து சொல்லிய தோழிக்குத் தலைமகள் சொல்லியதூஉமாம்).
- முடவுமுதிர் பலவின் குடமருள் பெரும்பழம்
- பல்கிளைத் தலைவன் கல்லாக் கடுவன்
- பாடிமி ழருவிப் பாறை மருங்கின்
- ஆடுமயில் முன்ன தாகக் கோடியர்
- விழவுகொண் மூதூர் விறலி பின்றை (5)
- முழவன் போல வகப்படத் தழீஇ
- இன்றுணைப் பயிருங் குன்ற நாடன்
- குடிநன் குடையன் கூடுநர்ப் பிரியலன்
- கெடுநா மொழியல னன்பின னெனநீ
- வல்ல கூறி வாய்வதிற் புணர்த்தோய் (10)
- நல்லை காணிற் காதலந் தோழீ
- கடும்பரிப் புரவி நெடுந்தே ரஞ்சி
- நல்லிசை நிறுத்த நயவரு பனுவற்
- றொல்லிசை நிறீஇய வுரைசால் பாண்மகள்
- எண்ணுமுறை நிறுத்த பண்ணி னுள்ளும் (15)
- புதுவது புனைந்த திறத்தினும்
- வதுவை நாளினு மினியனா லெமக்கே.
- பொருளுரை
1-7. முடவு முதிர் பலவின் குடம் மருள் பெரு பழம்-வளைதல்மிக்க பலாமரத்தின் குடம்போன்ற பெரிய பழத்தினை,
பல் கிளைத்தலைவன கல்லாக் கடுவன் - பல சுற்றத்திற்குத் தலைவனாகிய கல்லாத ஆண்குரங்கு,
பாடு இமிழ் அருவி பாறை மருங்கின்-மிக ஒலிக்கும் அருவியையுடைய கற்பாறையிடத்தே,
ஆடும் மயில் முன்னது ஆக-ஆடுகின்ற மயில் ஒன்று தனக்குமுன்னே நிற்க,
கோடியர் விழவுகொள் மூதூர் விறலி பின்றை- கூத்தர் விழாவினைக் கொண்டாடும் முதிய ஊரில் விறலியன் பின்பு நிற்கும்,
முழவன்போல அகப்படத் தழீஇ - முழவு இயம்புவோன் போலத் தன்னகத்தே பொருந்தத் தழுவிக்கொண்டு,
இன் துணை பயிரும் குன்ற நாடன்-இனிய துணையாய பெண் குரங்கினை அழைக்கும் மலைநாட்டையுடைய நம் தலைவன்,
8-10. குடி நன்கு உடையன்-உயர் குடிப்பிறப்பு உடையவன்,
கூடுநர் பிரியலன்-தன்னுடன் கூடுகின்றவர்களைப் பிரியான்,
நா கெடு மொழியலன்-நாவால் கெடுமொழிகளைக் கூறுவானல்லன்,
அன்பினன்-அன்பு உடையவன்,
என நீ வல்ல கூறி வாய்வதிற் புணர்த்தோய் - என்று நீ அவன் சிறப்புகளைக் கூறிப் பொருத்தமுறக் கூட்டிவைத்தனை, அங்ஙனமே,
12-7. கடும்பரி புரவி நெடு தேர் அஞ்சி - கடிய வேகத்தினையுடைய குதிரைகள் பூண்ட நீண்ட தேரினையுடைய அதியமானஞ்சியின்,
தொல் இசை நிறீ இய உரைசால் பாண்மகன்-பழைய புகழை நிலைபெறச் செய்த புகழ்சான்ற பாண் மகனானவன்,
நல் இசை நிறுத்த நயவருபனுவல்-நல்ல இசைகளை வரையறை செய்த இனிமை மிக்க நூலின்,
எண்ணுமுறை நிறுத்த-எண்ணின் முறைப்படி இயற்றிய,
பண்ணினுள்ளும்-பண்ணைக் காட்டினும்,
புதுவது புனைந்த திறத்தினும் - அவன் புதுமையாக இயற்றிய திறத்தைக் காட்டினும்,
வதுவை நாளினும் - வதுவைசெய்த நாளினும்,
எமக்கு இனியன்-நமக்கு இனியனாகவுள்ளான்.
(முடிபு) காதல் அம் தோழி! குன்றநாடன் குடிநன்கு உடையன், கூடுநர்ப் பிரியலன், கெடுநா மொழியலன், அன்பினன், என நீ வல்ல கூறிப் புணர்த்தோய், ஆகலின், நல்லை. அஞ்சியின் பாண்மகன் பண்ணினுள்ளும் திறத்தினும் வதுவை நாளினும் எமக்கு இனியன்.
(வி - ரை.) கடுவன் பலவின் பெரும் பழத்தை முழவன போலத் தழுவிக்கொண்டு துணையை அழைக்கும் குன்றம் என்க. ஆடுகின்ற
பார்க்க[தொகு]
- சங்க இலக்கியம்ஆசிரியர் அகரவரிசை அடிப்படையில்.