அந்தமான் கைதி/19

விக்கிமூலம் இல் இருந்து
Jump to navigation Jump to search
 காட்சி 19.


இடம் : வீதி
காலம் : காலை
 

பாத்திரங்கள்: முனியாண்டி, வேலையாள்.

[முனியாண்டி பொடியை உறிஞ்சிக்கொண்டே வருகிறான். எதிரே திவான்பகதூரின் வேலையாள் வேகமாக வருகிறான்.]

முனி : மகமாயி, அடே தம்பி, எங்கேப்பா இவ்வளவு அவசரமாப்போரே பொண்ணழைக்க கார் போயிடுச்சா?

வேலை ஆள் : பொண்ணழைக்கப் போரதுக்குத்தான் பொறப்புட்டாங்க, காரு மக்கார்ப்பண்ணுது. இப்பத்தான் எல்லாருமாச் சேர்ந்து காரைத் தள்ளிக்கிட்டு இருக்காங்க.

முனி : அடடே நேரமாச்சே, அடெ ரெண்டு மாட்டெக் கட்டியாச்சும் இழுத்துக்கிட்டுப் போகச்சொல்றது தானேப்பா ம்....... எஜமான் என்ன செய்யுறாரு?

வேலையாள் : எஜமான் சிங்காரம் பண்ணிக்கிட்டிருக்காரு. உங்களெத்தாங் காணோம்னு சத்தம் போட்டுகிட்டிருந்தாரு சீக்கிரம் போங்க........ ம்........ பூசாரி ஐயா! இந்த நரைமுடி கருக்குங் தைலம் எங்கே கிடைக்கும்?

முனி : யாருக்கு, எஜமானுக்கா?

வேலையாள் : பின்னே எனக்கா?  முனி : அடடே! அது இப்பக் கிடைக்கிறது கூடக் கஷ்டமாச்சே!......... அந்த ஷாப்புக்கடைகளிலே விசாரிச்சுப்பாரு, கிடைக்காட்டி இருக்கவே இருக்கு வண்டி மை, நாம் பாத்துக்கிறேன்; நீ சீக்கிரமா வந்திரு.

வேலையாள் : ஆவட்டும்; நீங்க போங்க.

(போகிறார்கள்)

"https://ta.wikisource.org/w/index.php?title=அந்தமான்_கைதி/19&oldid=1073506" இருந்து மீள்விக்கப்பட்டது