இணை தைராய்டு மிகையியக்கம் 49
சிறுநீரகத்திலோ நீர்ப்பாதையிலோ கற்களுடன் வரும் எந்த நோயாளியிடத்தும், இந்நோய் இருக்கிறதா வென்று தக்க ஆய்வுகள் செய்யப்பட வேண்டும். கற்களே காணப்படா நிலையில் வெறும் சிறுநீர்ப் பாதை இசிவு வலியுடனும் தோன்றும். வயிற்றுக் கோளாறுகள். வயிற்றுக் குமட்டல் வாந்தி, பசியின்மை ஆகிய அறிகுறிகள் அதிகமாகக் காணப்படும். இரைப்பை, குடல்புண், கணைய் அழற்சி ஆகியவையும் சில நோயாளிகளிடம் இந் நோயுடன் இணைந்து காணப்படலாம். எனினும் இவற்றிற்கிடையே உள்ள தொடர்பு தெளிவாக விளக்கப்படவில்லை. 2 மனநோய். இதுவும் சிலரிடம் காணப்படலாம். இந்நோயினால் பாதிக்கப்பட்டவர்உடல் சோர்வு, உற் சாகமின்மை, அன்றாட நடவடிக்கைகளில் மாறுபாடு கள் ஆகியவை கொண்டு தோன்றுவர். சில நேரங்க ளில் பெண்களில் சிலர் மன நோயுற்றவர்கள் என்று கருதி ஒதுக்கப்படலாம் அல்லது இந்த அறிகுறிகள் கடைசி மாதவிடாய்க் காலத்தில் பெண்களுக்கு இயல் பாகத் தோன்றும் அறிகுறிகளிலிருந்து வேறுபடுத்தி அறியப்படாமலும் போகலாம். இக்குறை பாராத்தார் மோன் (patathormone) சுரப்பினால் விளையலாம். விரைவாகத் தோன்றும் இணைதைராய்டு மிகை செயல்திறன் இதைக் கண்டுபிடிப்பது மிகவும் கடினம். வயிற் றுப் புரட்டல் வயிற்றுவலிகளைத் தொடர்ந்து வாந்தி ஏற்பட்டு, உடலில் நீர் குறைந்து சிறுநீரகத் தாக்கு தல் தோன்றி இறுதியில் நோயாளி நினைவிழக்கக் கூடும். சீரத்தில் (serum) கால்சியம் அளவு மிக அதிக மாக இருக்கும். (17 மீ.கி/100 மி.கி. அல்லது அதற்கு மேல்) மருத்துவம் விரைந்து செய்யப்படா விடின் உயிருக்கே ஊறு விளையலாம். பல மருத்துவ ஆய்வும் ஆய்வக முடிவுகளும். நோயாளிகள் அறிகுறிகள் ஏதுமின்றி, இரத்தத்தில் வேதியியல் மாறுபாடுகள் மட்டுமே கொண்டு தோன் றுவர். கடுமையான எலும்பு நோய்களான எலும்பு உருமாற்றங்கள், கட்டிகள், நோய் சார்ந்த எலும்பு முறிவு ஆகியவை தவிரப் பிற நோயாளிகளை மேல் நோக்காக ஆய்வு செய்யும்போது அவர்கள் அறி குறிகளின்றியே தோன்றுவர். இணைதைராய்டு கட்டி கழுத்தில் வெகு அரி தாகவே தொட்டுணரப்படக் கூடியதாக இருக்கும். நோயின் தன்மையை உறுதி செய்யக் கீழ்க்காணும் உயிர் வேதியியல் ஆய்வக முடிவுகள் துணை செய் யும். அவை சீரத்தில் கால்சியம் அளவு அதிகரித்தல் (இயல்பான அளவின் உச்ச நிலை 10. 9/100 மி.கி). சீரத்தில் பாஸ்ஃபரஸ் அளவு குறைதல் இயல்பான அளவின் கீழ் நிலை 3. 0மி.கி/100 மி.கி). சிறுநீரில் அக.4-4 இணை தைராய்டு மிகையியக்கம் 49 அதிகமாகக் கால்சியம் வெளியேறுதல் (இயல்பான அளவுகள்: ஆண்களில் ஒரு நாளில் 300 மி.கி. பெண்களில் ஒரு நாளில் 250 மி.கி.). எலும்புகள் தாக்கப்பட்டிருந்தால் - சீரம் அல்க்கலைன் பாஸ் ஃபட்டேஸ் அளவு அதிகரித்தல், சீரம் இணைதை ராய்டு சுரப்பு நீரின் அளவு அதிகரித்தல் (இயல்பான அளவின் உச்ச நிலை 0.5 மைக்ரோகிராம்/லிட்டர்) என்பனவாகும். நோயற்றவர்களின் சீரத்தில் இணைதைராயிடு சுரப்புநீர் அளவு கண்டுபிடிக்கப் பட முடியாத அளவு குறைந்திருக்கலாம். நோய் நாடல். இந்நோயினின்றும் இரத்தத்தில் கால்சியம் அளவை மிகுதிப்படுத்தும் பிற நோய்கள் வேறுபடுத்தி அறியப்பட வேண்டும். அவை, பிற உறுப்புக்களிலிருந்து எலும்புகளுக்குப் பரவியுள்ள புற்றுநோய் (மார்பகம், ப்ராஸ்ட்டேட்டு, மூச்சுக் குழாய், சிறுநீரகம், தைராய்டு முதலான உறுப்புக் களிலிருந்து), நாளமில்லாச் சுரப்பிச் சுரக்கும் சில புற்று நோய்கள். (எ. கா.) மூச்சுக்குழாய், சிறுநீரகம், சூற்பை, மல்ட்டிப்பில் மையிலோமா (multiple mye- loma), அதிகமான அளவு வைட்டமின் D உட் கொள்ளுதல், சார்க்காய்டோசிஸ் (sarcoidosis), நச் சுச் சுரப்புத்தைராய்டு நோய் (thyrotoxicosis) என்ப னவாகும். இரத்தத்தில் இணைதைராய்டு சுரப்பு நீரின் அளவு அறியப்பட்டால் இந்நோய்களை வேறு படுத்தி அறிவதில் சிக்கல் ஏதும் இராது. மேலே குறிப்பிட்ட ஆறு நோய்களிலும் இணைதைராய்டு சுரப்பு நீர் அளவு அதிகமாக இருக்காது. மருத்துவம். செயல்திறன் மிகுந்த சுரப்பியையோ இயல்பான சுரப்பியை யோ அறுவை மூலமாக அகற்றுவது ஒன்றே மருத்துவ முறையாகும். அறுவைக்குப் பின் பெரும்பாலும் மருத்துவம் தேவையிராது. விரைவாகத் தோன்றும் சுரப்பிச் செயல்திறன் மிகையினால் உடலின் நீர் உப்புகள் இழப்பை ஈடு செய்து, நாள்தோறும் சீரம் கால்சியம் அளவைக் கண்காணிப்பது இன்றியமையாததாகும். மிக அதிகமான கால்சியம் இழப்பு எலும்பு களில் காணப்பட்டால் நோயாளிக்கு அறுவைக்குச் சில நாள்கள் முன்னர் தொடங்கி அறுவை முடிந்து பல வாரங்களுக்குத் தொடர்ந்து நாள்தோறும் ஒரு மாத்திரை கால்சியம் லாக்ட்டேட்டும், 500 சர்வதேச அலகுகள் வைட்டமின் Dயும் கொடுக்கப்பட வேண்டும். இது அறுவைக்குப் பின் தோன்றக்கூடிய இணை தைராய்டு குறைபாட்டு இழுப்பு நோயைத் தடுக்கும். அறுவைக்கு முன்னர் நோயுற்ற திசுக்களின் உண்மையான நிலையைக் கண்டுபிடிப்பது இயலாத
