பக்கம்:இனிக்கும் பாடல்கள்.pdf/20



யார்? யார்? யார்?

தொங்க விட்ட சட்டையைத்
தூக்கிக் கீழே போட்டவன்
யார், யார், யார் ?
எழுதி வைத்த தாள்களை
இங்கும் அங்கும் இறைத்தவன்
யார், யார், யார் ?
சன்னல் கதவைப் பட்டெனச்
சாத்தி விட்டுச் சென்றவன்
யார், யார், யார் ?
அருகில் நிற்கும் மரங்களை
அசைத்தே ஆடச் செய்தவன்
யார், யார், யார்?

‘உஸ் உஸ்' என்று மெல்லவே
ஊதி ஊதிச் செல்பவன்
யார், யார், யார்?
கண்டு
பிடிக்க
முடியுமா ?
காண
முடியாக்
காற்றேதான் !