இப்பக்கம் சரிபார்க்கப்பட்டது.
ஒளி
53
குணா : (ஆராய்ச்சியைப் பார்த்தபடி) தேடியது மூலிகையை; கண்டுபிடித்தது மணிவண்ணனை; அப்படித்தானே!
[திருமதியைத் திரும்பிப் பார்க்கிறான்; அவள் தலைகுனிந்து நிற்கிறாள்.]
எச்சரிக்கையாக இருக்கவேண்டும் திருமதி! விளையாட்டுக் குழந்தை நீ. வாழ்க்கை என்பது விளையாட்டு அல்ல! எதிர்நீச்சலில் கரை சேரவேண்டிய ஓடம்! நினைவிலிருக்கட்டும்!
காட்சி—20
[ஊர் மக்களில் சில பேர், அறிவானந்தரது புதிய கண்டுபிடிப்புப் பற்றிப் புகழ்ந்து பேசிக்கொண்டே போகிறார்கள். திருமுடியாரும், அறிவானந்தரது கண்டுபிடிப்புப் பற்றி பெருமூச்சு உகுக்கிறார். முத்து வணிகரும், மணிவண்ணனின் அண்ணனுமாகிய கார்மேகம் தனக்கு அந்தக் கண்டுபிடிப்பு வேண்டும் என்பதற்காக—எப்படிப் பெறுவது என்று கவலைப்படுகிறார். அரசவை வரையில் விஷயம் எட்டி, பாதுகாவலன் விக்ரமனுக்கும் தெரிய வருகிறது; விக்ரமனின் மூளை சுறுசுறுப் படைகிறது.]
காட்சி—21
[அறிவானந்தரது ஆராய்ச்சிக் கூடம்! சில வீரர்கள் வந்து, அறிவானந்தரிடம் நின்று வணங்குகின்றனர். அறிவானந்தர் ஒருவன் முதுகில் தட்டிக் கொடுத்து...]
அறி : என்ன தம்பி ! அரண்மனை வாசம் எப்படி இருக்கிறது?
ஒரு : அரண்மனைக்குள்ளே எப்போதாவது அமைதி இருக்குமா பெரியவரே! அதுவும் பேராசையால் தாக்குண்டவர்கள் இருக்கிற இடம் என்றால் அமைதி, அண்டி இருக்கக்கூட அஞ்சுமே!
அறி: என்னமோ! இன்னும் கொஞ்ச நாள்! என் ஆராய்ச்சி வெற்றி பெற்று விட்டால் இவைகளுக்கெல்லாம்
