82
இன்ப
காட்சி—29
அமை: திருநாட்டில் இருக்கும் நமது ஒற்றர் கார் மேகத்திடமிருந்து கடிதம் வந்திருக்கிறது அரசே!
அரசர்: சொல்லிக் கொண்டிருக்கிறீர் அமைச்சரே...படியுங்கள் விரைவாக!
அமை: இரணப்பொடி பற்றிய இரகசியம் கிடைத்து விட்டதாம்! நாம் ஆராய்ச்சிக்கூடம் தொடங்கி, செய்ய வேண்டிய அவசியமே இல்லாத அளவுக்கு இரணப்பொடி அதிகமாகவே கிடைத்திருக்கிறதாம். படையுடன் எல்லைக்கு வந்து விட்டால் அங்கே பொடியுடன் வந்து தங்களைச் சந்திப்பதாகத் தெரிவித்திருக்கிறார்.
அர: கார்மேகம், கெட்டிக்காரர் ஆயிற்றே! சரியான ஆளைக் கண்டெடுத்துதான் அனுப்பி இருக்கிறீர் அமைச்சரே! வெற்றிப் பெருமை உமக்குத்தான்! தீய்ந்தது திருநாடு; ஒழிந்தனர், திருநாட்டு வீரர்கள்; சாய்ந்தது திருநாட்டின் கொடி; வீழ்ந்தது அவர்தம் காவல்மரம்! அமைச்சரே, தித்திப்பான இந்தச் சேதியைத் தெரிவியுங்கள், உடனே படைத்தலைவருக்கு! முழங்கட்டும் முழவு! ஒலிக்கட்டும் முரசு!
அமை: அரசே! கார்மேகத்தைச் சந்திக்கு முன்னே, முடிவெடுப்பது...
அரச: முட்டாள்தனமாகப் பேசாதீர்! பறை கொட்டச் சொல்லுங்கள்! ஓய்வு பெறச் சென்ற படைவீரர்களுக்கெல்லாம் ஓலை அனுப்பச் சொல்லுங்கள்! மல்ல நாட்டின் வெற்-
