கண்
மதுரைக் கோயில் வரலாறு
43
- முன்னவன் உலகியலைச் சிந்திக்கின்றான் போலும்! பின்னவன் மெய்ப் பொருளைச் சிந்திக்கின்றான் போலும். பாண்டவருள் தருமனுக்கு இளையவன் வீமன் அல்லனோ!! அவனைக் காணவில்லையே! அவன் மட்டும் விடுபெற்றது ஏன்?
பொன் : அவன் விடுபெறவில்லை. அவனைப் பார். அம்மை திருவாயில் முன்னே உள்ள பலி பீடத்தின் அருகில் நிற்கின்றான். தண்டேந்திய தனிவீரனாகத் தோற்ற மளிக்கின்றான் அல்லவா!
கண்
- பலி பீடத்திற்குத் தெற்கே வீமன் நிற்கின்றான். அதற்கு வடக்கே மனிதவிலங்கு (புருஷா மிருகம்) நிற்கிறது. அதுவும் தண்டேந்திக் கொண்டு வீமனுக்கு இணையாக நிற்கின்றது.
பொன் : இதுதான் 'தரும சங்கடம்'
கண் : 'தரும சங்கடமா?”
பொன் : இதையும் செய்ய முடியாமல் எதையும் செய்ய முடியாமல் இடர்ப்படும்போது 'தருமசங்கடமாக இருக்கின்றது' என்பார்களே! அந்தத் தருமசங்கடம் தான் இது.
கண்
- துரியோதனன் வேண்டுதல் படி வீமன் மனித விலங்கின் பால் கொண்டு வருவதற்காகக் காட்டுக்குப் போய், மனித விலங்கின் குட்டியைத் தாக்கிக் கொல்ல வந்த கரடியிடமிருந்து குட்டியைக் காத்து, மனித விலங்கின் பாலைக் கொண்டு வந்தானே அந்தக் கதைதானே?
பொன் : ஆம். மனித விலங்கு; 'என் காட்டுள் மனிதன் வருதல் கூடாது.நீ வந்துவிட்டாய். ஆனால் நீ செய்த உதவிக்கு உன்னை மன்னித்துப் பாலும் தந்தேன்; நீ பொழுது விழுவதற்குள் இக் காட்டின் எல்லையைத் தாண்டிவிடுதல் வேண்டும், அப்படித் தாண்டத் தவறினால் உன்னைக் கொன்று விடுவேன்' என்னும் உறுதிமொழியுடன் வீமனை விடுத்தது. பொழுது விழும்போது வீமனின் ஒரு கால் காட்டைத் தாண்டி விட்டது; மற்றொரு கால் காட்டுள் இருந்தது. மனித விலங்கு உன்னை விடமாட்டேன் என்று காட்டுள்
