258
இளங்குமரனார் தமிழ்வளம்
―
5
மருத்துவர் என்ன செய்கிறார்? உடற் பிணியைத் தீர்க்கிறார். அப்பிணி தீர்ந்தார்க்கும், பிணி இல்லார்க்கும் தீராப் பிணியாக இருப்பது அன்றோ பசிப்பிணி! அப்பசி, பிணியா? பாழும் பாவி! அப்பாவியின் பிடியில் சிக்குண்டவர் அடையும் துயர்க்கு அளவும் உண்டோ?
பசிப்பிணி தீர்ப்போர் அறவோர்; அவர், பிறரையும் அறவோர் ஆக்கும் உயர் அறவோர்!
பசிப்பிணி தீர்த்தல் என்பது சோம்பர்களையும் மடவர் களையும் தடியர்களையும் உருவாக்குவது அன்று. அதனைச் செய்யின் சட்டி தூக்கிச் சாய்ந்தழியும் கூட்டமே பெருகும்; நாட்டைக் கெடுக்கும்; உழைப்பவரையும் உழைப்பில் நம்பிக்கை இழக்கச் செய்து ஒழிக்கும்.
இப்பண்ணன் பணி, கேட்டைப் பெருக்கும் பணியன்று நாட்டைக் காக்கும் பணி. உழைத்து உழைத்து உருக்குலைவோர் வாட்டம் போக்கும் வளப்பணி. ஆதலால் இப்பணி வாழ்க! இப்பணியாளன் வாழ்க!
இவனை, “நீடு வாழ்க” என்பேனா? ‘வாழ்த்து' என்பதே
அதுதானே!
Ꮒ
காவலன் கடமையை ஆவலுடன் தானே தாங்கிக் கண்ணெனக் குடிகளைக் காக்கும் இவன், ஒரு சிறந்த காவலன்! ஆதலால், காவலனாம் என் வாழ்நாளையும் இவனே கொண்டு நெடுங்காலம் வாழ்வானாக!
என் வாழ்நாள் அளவு எவ்வளவு? எனக்குத் தெரியாது. அனால் அதனை முழுமையாக வழங்க உடன்படுகின்றது என் உள்ளம் என்னால் முடிவது அதுவே. இதனை நன்றி யுணர் வால் கூறுகிறேன் என்பது இல்லை. நாட்டு வேந்தனாம் நான் பட்டுள்ள கடனைத் தீர்ப்பதற்காகக் கூகிறேன் என் வாழ் நாளையும் இவனே கொண்டு வாழவானாக?
“யான் வாழும் நாளும் பண்ணன் வாழிய!”
ஒருவன் தான் வாழ்நாளை மற்றொருவனுக்குத் தந்து வாழ வைக்கவும் முடியுமோ? 'முடியும் முடியும்' என்ன ஓரிரு ரு சான்று காட்டுவார் காட்டுக. 'முடியாது' என நாட்டுவார் நாட்டுக!
