இப்பக்கம் மெய்ப்பு பார்க்கப்பட்டுள்ளது
எவ்வித தியாகமுமின்றி எவ்வித நன்மையும் பெற முடியாது.
-ஹெல்ப்ஸ்
★ ★ ★
51. கல்வி
கல்வியே ஆன்மாவின் உணவு, அஃதின்றேல் நம் சக்திகள் எல்லாம் ஸ்தம்பித்து நின்றுவிடும், பயன்தரா.
- மாஜினி
கல்விச்சாலையொன்று திறப்பவன் சிறைச்சாலையொன்று மூடுபவன்.
-விக்டர் ஹூகோ
மனத்தில் நோயில்லையானால் கல்வி அவசியமில்லை.
-அந்தோனி
சலவைக்கல் தேய்ந்து கொண்டே போகும், சிலை வளர்ந்து கொண்டே வரும்.
-மைக்கேல் ஆஞ்சலோ
கல்வியும் வாளுமே ஒரு தேசம் புத்துயில் பெறுவதற்கும் விடுதலை பெறுவதற்குமான இரண்டு சாதனங்கள் ஆகும்.
-மாஜினி
அறிவு தரும் கல்விக்கு ஆகும் செலவை விட அறியாமைக்கு ஆகும் செலவே அதிகம்.
-ஆவ்பரி
கல்வி என்பது தெரியாததைத் தெரியச் செய்வதன்று; ஒழுக்கத்தை ஒழுக செய்வதே யாகும்.
-ரஸ்கின்
பிறர் உவக்கும் வண்ணம் நடந்து கொள்வதற்கான ஆசையும் அறிவும் ஏற்படுத்துவதே குழந்தைகளை கெளரவமானவராக வளர்ப்பதன் சாரமாகும்.
-ஹோம்ஸ்
