இப்பக்கம் மெய்ப்பு பார்க்கப்பட்டுள்ளது
நம்மை மேம்படுத்தும் எண்ணங்கள்
31
முறையைக் காட்டிலும் அதிகமாய் நிரூபித்துக் காட்டலாம்.
-ஹெம்ஸ்டர் ஹூஸ்
'அவன்' என்னும் மொழி அவனைக் குறைத்து விடுகிறது.
-டால்ஸ்டாய்
ஆண்டவன் இலன் எனினும் அறநெறி நிற்போம் என்பவரே அவன் அடியராவர்.
-ராபர்ட் பிரெளனிங்
ஒருவன் கடவுள் பக்கம் இருப்பின், அவன் ஒருவனே பெரும்பான்மைக் கட்சி ஆகிவிடுவான்.
-வெண்டெல் பிலிப்ஸ்
ஆன்மாவுக்கு வெளியே கடவுளைத் தேடினால் கடவுளின் விக்கிரகங்களை மட்டுமே காண்பாய். ஆன்மாவை ஆராய்ந்தால் அங்குள்ள உணர்ச்சிகளும் எண்ணங்களும் ஆண்டவனை அறிவிக்கும். அயலார்க்கு நன்மை செய்யும்பொழுதுதான் ஆண்டவனைத் துதிப்பதாகக் கூறமுடியும்.
-ஸ்வனரோலா
தேவைகள் குறையும் அளவுக்கே தெய்வத்தன்மை அடைவோம்.
-ஸாக்ரடீஸ்
பரிபூரணமே தேவரை அளக்கும் கோல். பரிபூரணத்தில் பற்றே மனிதரை அளக்கும் கோல்.
-கதே
ஆன்ம எளிமை கண்டே ஆண்டவன் மகிழ்கிறான். எளிமைக் குணத்தைக் கண்டுதான் மகிழ்கிறான்; இறக்கும் குணத்தைக் கண்டன்று.
-கதே
