இப்பக்கம் சரிபார்க்கப்பட்டது.
84
ரொட்டித்
டுள்ள நாற்காலியில் அமர்ந்திருக்கிறான். செல்வபுரியிலே உள்ள பஞ்ச நிவாரணச் சங்கத் தலைவர் மஞ்சு நாதராவ் தலைமை வகித்திருக்கிறார். பலர், மண்டபத்தில் அமர்ந்திருக்கிறார்கள். அனைவரும் பாரத்பூஷனை ஆர்வத்துடன் பார்த்தபடி உள்ளனர். அவன் புன்னகை பூத்த முகத்துடன் காணப்படுகிறான். விழாத் தலைவர் அனைவரும் கைதட்டிக் களிப்பூட்டும் நிலையில் பெரிய ரோஜா மாலையை, பாரத்துக்குப் போடுகிறார். பலர் புகைப்படம் எடுக்கிறார்கள்.
ஒருவர் 'ரொட்டித் துண்டு' புத்தகத்தை பாரத்பூஷன் கரத்தில் கொடுத்துப் படம் எடுக்கிறார்.
ஒரு முதியவர் பேச முற்படுகிறார். அவரைக் கண்டதும் பாரத் எழுந்து கும்பிடுகிறான். அவர் அப்படியே அவனைக் கட்டிப் பிடித்துக் கொள்கிறார்; பாரத்பூஷன், சிரமப்பட்டுத் தன்னை விடுவித்துக் கொண்டு அனைவருக்கும் வணக்கம் கூறுகிறான்.]முதியவர்: மன்றத்தோரே! மன்றத் தலைமை ஏற்றுள்ள மாண்புமிகு...மாண்புமிகு...
[பெயர் தெரியாமல் முதியவர் திகைப்பது கண்டு, பாரத்பூஷன் கூட்ட விளம்பரத் தாளைக் காட்டுகிறான். முதியவர், பேச்சை நிறுத்திவிட்டு, மூக்குக் கண்ணாடி போட்டுக் கொண்டு தாளைப் பார்த்து, தலைமை வகித்தவர் பெயரைத் தெரிந்து கொண்டு...]
