இப்பக்கம் மெய்ப்பு பார்க்கப்பட்டுள்ளது
கீழே சென்றதும், ‘அப்பாடா!’ என்று அவள் பெருமூச்சு விட்டுக் கொண்டே எழுந்தாள். சுற்று முற்றும் பார்த்தாள். அங்கே மற்றொரு நீண்ட பாதை இருந்தது. அந்தப் பாதையில் வெள்ளை முயல் நடந்து போவதை அவள் கண்டாள். உடனே வேகமாக அதைப் பின் தொடர்ந்தாள். வெகு தூரம் ஓடினாள். ஆயினும், ஒரு மூலையில் திரும்பும் போது, அந்தப் பொல்லாத முயல் எப்படியோ அவளை ஏமாற்றி விட்டு மறைந்து போய் விட்டது.
‘இப்போது எந்த இடத்தில் இருக்கிறோம்,’ என்று ஆலிஸ் திகைப்புடன் பார்த்தாள். அது ஒரு மண்டபம் போல் இருந்தது. மேல் கூரையிலிருந்து பிரகாசமான விளக்குகள் வரிசையாகத் தொங்கிக் கொண்டிருந்தன. அந்த இடம் பளிச்சென்று இருந்தது. அந்த மண்டபத்தைச் சுற்றிலும் கதவுகள் இருந்தன. ஆலிஸ்
7
