இப்பக்கம் மெய்ப்பு பார்க்கப்பட்டுள்ளது
பாவலரேறு பெருஞ்சித்திரனார் ☐ 135
136
அன்றாடம் உடற்பயிற்சி செய்குவீர்!
அன்புத் தம்பியே
அருமைத் தங்கையே
அன்றாடம் உடற்பயிற்சி செய்குவீர்!
என்பு வலுப்பெருகும்;
தசைகள் இறுகலுறும்;
எண்ணம் தூய்மையுறும் உய்குவீர்!
ஆடி ஓடி விளை
யாடி அலைந்து வரின்
அரத்த ஓட்டமிகும் உடலிலே!
நாடி நரம்புகளில்
நச்சு வெயர்வை வெளி
யேற உணர்வுமிகும் குடலிலே!
கால்கை மூட்டிணைப்பு
கடுகும் பிடிப்பகலும்!
கண்கள் ஒளிமிகுக்கும் காட்சியில்!
மேனி மினுமினுக்கும்;
மேன்மைக் குணங்கள் மிகும்;
மிடிகள் அகலும்இன்ப மாட்சியில்!
-1987
