பொருட்பால் எனும் பொழில்! திருக்குறளாம் தேனமிழ்தம் வழங்கிய திருவள் ளுவர் ஒரு நாள் காட்டகத்துக் காட்சிகளை சுவைத்து வரப் புறப்பட்டார். தென்னவரின் தோள் போன்ற குன்றுகளும், தமிழ் மன்னவரின் குடைபோன்ற பெருந் தருக்களும் வளங் காட்டி வள்ளுவரை ஈர்த்தன. மான் கூட்டம்-புலி நடமாட்டம் அத்தனையும் கண்டார். தொலைவினிலே... குன்றிரண்டு உயிர்பெற்றெழுந்து நின்று உயிர் குடிக்கப் போராடும் நிகழ்ச்சிதனை உண் டார் விழியினாலே ! இரு-யானை இறப்புலகின் அழைப்புக்கு யார் பொருத்தம் என்பதற்குப்போட்டி வைத்துப் போராடும் தீ நிலையைத் தென் தலைவர் வியந்து நோக்கும் வேளை யிலே - திருக்குறள் தனிலே புதுக்குறள் இணைக்க பொன்னான வாய்ப் பொன்றை ஓர் மனிதன் தந்திட் டான். து யானைப் போரை-குன்றின் மீது இருந்தொருவன் கண்டதை இவர் கண்டார், அண்மையில் நெருங்க வொண்ணாய்ப் பெரும்போர் ! அதைக் குன்றின் மீது இருந்து காண்பவன் அதிர்ச்சி அடையவில்லை. காரணம் யானைகளுக்கு எட்டாத உச்சியிலே இருக்கிறான். அதனால் அச்சம் எழ நியாயமில்லை ! குன்றின்மீது நின்ற வள்ளுவர் அழைத்து வந்தார்-எங்கே? குறள் கோட் டைக்குள்ளே ! பொருட்பால் எனும் பொழிலுக் குள்ளே !
