பக்கம்:சொர்க்கவாசல், நாடகம், 1954.pdf/60

57

திலகா: நான் என்ன செய்ய

கற்பகம்: புறப்பட்ட முத்து வராத காரணம்?

திலகா: ஆடவரின் அசட்டைக்குக் காரணம்கூட வேண்டுமா அம்மா...

கற்: ச்சீசி, முத்து அப்படிப்பட்டவனல்ல! ஆமாம்... திலகா!. வல்லியூரில் வசந்தாவின் திருமணம் - போக வேண்டும் என்று சொன்னாயே...

தில: போய் வரவா அம்மா.

கற்: செய்யடி கண்ணே! முத்துகூட ஒருசமயம் வல்லியூரில் இருக்கலாம்!

தில : இருக்கட்டுமே! இருந்தால் என்ன? நான் போய்ப் பார்க்கவா போகிறேன்!

[வெற்றிவேலன் அரண்மனையில் ஓர் கூடம். குழந்தை மரகதமணி மதிவாணனை குதூகலமாக வரவேற்கிறது.]

குழந்தையைத் தூக்கி முத்தமிடுகிறான் மதிவாணன்.

மரக: மாமா! மாமி கருப்பா, சிகப்பா?

மதி: தங்க நிறம் கண்ணூ!

மரகதம்: (கேலியாக) ஐயய்யோ மஞ்ச நிறமா?

மதிவாணன்: (பாடுகிறான்)

மதிவாணன் பாட்டு

ராஜாமகள் ராணி - புது
            ரோஜாமலர் மேனி - மிகப்
பேஷான ஒருமாமி - வரப்

            போறாள் பாரு நீ -

(ராஜா)

சீனிச் சக்கரைக்கட்டி - வாய்
            சிவந்த பவளப் பெட்டி - அவள்
சிரிச்ச முகத்துச் சிங்காரக்குட்டி

            உன் போல படுசுட்டி -

(ராஜா)

வக்கணைப் பேச்சுக்காரி - விழி
            வாளின் வீச்சுக்காரி - சுக
வாரி, அலங்காரி, - சுகு

            மாரி யெத்தன் பாரி -

(ராஜா)