சொர்க்கவாசல் 79 டாளே, இதோ பார்! இவ்விதம்தான் கைவாயம் இருக் கும். வைகுந்தத்தின் வசீகரத்தைப் பார் என்று ஏடுகளைக் காட்டுவதைவிட இப்படி ஒரு இடமே அமைத்துக் காட்டி னால், மந்த மதியினரும் புரிந்து கொள்வார்களல்லவா? வெற்றி: உண்மைதான்! மாசி: உள்ளத்திலே உயர்ந்த எண்ணம் மலரும். சிற்பி: புதிதாக இதுபோலக் கட்டத் திட்டமா? மாசி: திரு அருளின் துணை கொண்டு, அருமறை யானந்தர் இந்தப் புனிதக் காரியத்தைத் துவக்கி விட்டார். செலவு பற்றிய கவலை, சிரமத்தைப் பற்றிய சஞ்சலம்,பஞ்சு பஞ்சாகப் பறந்து விட்டது, குருநாதருக்கு, நான் உறுதி கூறினதும். வெற்றி: என்ன உறுதி கூறினீர்? மாசி: சொர்க்கவாசல் கைங்கர்யத்துக்குத் தங்களின் பேருதவி தாராளமாகக் கிடைக்கும் என்று உறுதி கூறினேன். சிற்பி: பெருஞ் செலவு! கோட்டை கட்டவே செலவு ஏராளமாகப் பிடிக்கும். பிறகு வருகிறேன் மன்னா! [வணக்கம் கூறிவிட்டுச் செல்கிறான் வெறுப்புடன் பணியாட்கள் மாசிலாமணியின் படத்தை எடுத். துத் தூக்கி வைத்துக் காட்டுகிறார்கள்.] வெற்றி: அருமையான ஏற்பாடு! என்னால் ஆக வேண்: டியது என்ன? கட்டளையிட்டால் செய்கிறேன். 'சொர்க்க வாசல் கைங்கரியத்துக்கு நமது மண்டலத்துப் பிரபுக்களும். தாராளமாகக் காணிக்கை தருவர். மாசி: பக்தி பட்டுப் போகிற இந்தச் சமயத்திலே சத்காரியத்துக்குப் பணம் தருவார்களா என்ற சந்தேகம் குருநாதருக்கு. வெற்றி: நானே பிரபுக்களுக்குச் சொர்க்கவாசல் மகிமையைப் பற்றி. சொல்கிறேன்.
