இப்பக்கம் மெய்ப்பு பார்க்கப்பட்டுள்ளது
196
தமிழர் நாட்டுப் பாடல்கள்
பெண்: செவத்த லேஞ்சுக் கார மாமா,
சில வாங்கித் தாங்க மாமா சிலுக்குச் சீல வந்தாத் தான் சிரிச்சுமே பேசிடுவேன்
ஆண்: கல்லு இடுவலில
கவுந்து தலை பாக்கும் புள்ள பல்லு இடுவலில-எனக்குப் பாதரவா தோணுதடி
பெண்: ஒடையிலே ஒரு மரமே
ஒதுக்கமான மாமரமே தங்கக் கொழுந்தனுக்கு தலைபாக்க ஏத்த ஓடை
ஆண்: தாளம் பூ தலையில் வச்சு
தனி வழியே வந்தவளே எவன் இருப்பான் என்று சொல்லி இங்க வந்த பெண்மயிலே ! ஒருத்திக்கு ஒரு மகனாம் உன்னை நம்பி வந்தவண்டி கையை விட்டுத் தவறவிட்டா கருமம் வந்து சேருமடி
பெண்: நெலக்கடலை நாழி வேணும்
நேரான பாதை வேணும் ஜோடி மட்டம் ரெண்டு வேணும் சொகுசா வழி நடக்க
வட்டார வழக்கு: சிங்குழல்-சீவிய குழல், புல்லாங்குழல்; முட்டை என்பது-காதலியை; சாவல் என்பது-காதலனை; சம்பிராயம்-வீண் பெருமை இடுவல்-இடைவெளி, ஜோடி மட்டம்-தங்களிருவரும்.
சேகரித்தவர்
இடம்
S.M.கார்க்கி
சிவகிரி
கலியான மாதத்தில் கவலை
மருதியின் அத்தை மகன் மருதன். இருவரையும் கணவன் மனைவியென்று, ஐந்து வயதிலேயே விளையாட்டாகப் பெற்