இப்பக்கம் மெய்ப்பு பார்க்கப்பட்டுள்ளது
48
தமிழியக்கம்
கடவுள்வெறி சமயவெறி
கன்னல் நிகர் தமிழுக்கு
நோய்நோய் நோயே!
இடைவந்த சாதி எனும்
இடர் ஒழிந்தால் ஆள்பவள் நம்
தாய்தாய் தாயே!
கடல் போலும் எழுக! கடல்
முழக்கம்போல் கழறிடுக !
தமிழ்வாழ் கென்று!
கெடல் எங்கே தமிழின் நலம் ?
அங்கெல்லாம் தலையிட்டுக்
கிளர்ச்சி செய்க! 119
விழிப்போரே நிலைகாண்பார் !
விதைப்போரே அறுத்திடுவார்
களை காண் டோறும்
அழிப்போரே அறஞ்செய்வார் !
அறிந்தோரே உயர்ந்திடுவார்!
ஆதல் ஆர்வம்
செழிப்போரே, இளைஞர்களே,
தென்னாட்டுச் சிங்கங்கள்!
எழுக! நம்தாய்
மொழிப்போரே வேண்டுவது
தொடக்கஞ்செய் வீர்வெல்வீர்
மொழிப்போர் வெல்க! 120
