இப்பக்கம் சரிபார்க்கப்பட்டது.
பதிப்புரை
அமரர், அறிஞர் அண்ணா அவர்களின் சிந்தனையும் பேச்சும் எழுத்தும் மகத்தான சக்தி படைத்தவை. அவை தமிழர் உள்ளங்களைக் கவர்ந்து தம் வசப்படுத்தும் ஆற்றலும் ஊட்டமும் பெற்றவை.
எளிமை, நயம், கருத்துச் செறிவு, அரசியல் தெளிவு, வரலாற்றுப் படப்பிடிப்பு எல்லாவற்றையும் அவற்றிற் காணலாம். அவை காலத்தை வென்று விளங்கும் சிறந்த தமிழ் இலக்கியங்கள்.
அண்ணாவின் கடிதங்களின் நான்காவது தொகுதி இது. தமிழக வரலாற்றின் முதன்மையான ஒரு வரலாற்றுத் திருப்பத்தில் எழுதப்பட்டவை. இவை தமிழன்பர்களின் சிந்தனைக்கு விருந்தும் மருந்தும் ஆகும்.
அண்ணாவின் கடிதங்களின் பிற தொகுதிகளும் தொடர்ந்து வெளிவரும் என்பதையும் மகிழ்வுடன் தெரிவித்துக் கொள்கிறோம்.
பாரி நிலையத்தார்
