தராசு
பிறகு ஜிந்தாமியான்:— “ஆண்களுக்கு விடுதலையைப் பற்றிப் பேசலாமோ?”
தராசு:— ”பேசலாம்.”
"ஸேட்:— ”முயற்சி கைகூடுமா?”
தராசு:— ”தொடங்கு முன்னே எந்த முயற்சியும் கைகூடுமோ கூடாதா என்று ஜோதிஷம் பார்ப்பதிலே பயனில்லை; தொடங்கி நடத்தினால் பிறகு தெரியும்.”
சிறிது நேரம் சும்மாயிருந்துவிட்டு, ஜிந்தாமியான் மறுபடி பின்வரும் கேள்வி கேட்டார்:—
”வருகிறேனென்று சொல்லி வாராதவர்களையும் தருகிறேனென்று சொல்லித் தாராதவர்களையும் என்ன செய்யலாம்?”
தராசு, ”சந்தர்ப்பத்துக்குத் தக்கபடி” என்றது.
”விளக்கிச் சொல்லு” என்று ஸேட் வற்புறுத்தினார்.
தராசு சொல்வதாயிற்று:— தருகிறேனென்று சொல்லும்போதே பின்னிட்டுத் தம்மால் கொடுக்க முடியாதென்பதை அறிந்துகொண்டு சொல்வோர் புழுக்கள். அவர்களைப் படுக்கவைத்துக் கை கால்களைக் கட்டி மேலே ஒரு மூட்டை கட்டெறும்பைக் கொட்டிக் கடிக்கவிட வேண்டும். தருகிறேனென்று சொல்லும்போது உண்மையாகவே கொடுக்க வேண்டுமென்ற எண்ணத்துடன் சொல்லிவிட்டுப் பின்பு
36
