முன்னுரை என் உயிரினும் மேலான அன்பு உடன்பிறப்பே! உருவத்தால் அண்ணன் நம்மிடையே உலவிடவில்லை எனினும் நம் உணர்வுகளோடு ஒன்றிக் கலந்து நம்மைத் தலைமையேற்று வழி நடத்துகிறார் என்ற உத்வேகத்தோடு மதுரையிலிருந்து திருச்செந்தூர் வரை இருநூறு கிலோ மீட்டர் தொலைவு எட்டு நாட்கள்-நீதி கேட்டு நெடிய பயணத்தை அவரைத் தொழுதேத்தித் தொடர்ந்திட்டோம்! இன்று நேற்றல்ல அறுபது ஆண்டுகளுக்கு மேலாகவே - ஆயிரங் காலத்துப் பயிராம் நமது பேரியக்கம் அரசியல் துறையில்- சமுதாயத் துறையில்- பொருளாதாரத் துறையில் நீதி கேட்டு நெடிய பயணத்தை; கொடிய எதிர்ப்புக்களுக்கிடையே நடத்திக் கொண்டு தானிருக்கிறது!....... இது நமது வரலாற்றில் மாப்புகழ் படைத்த-மறக்க முடியாத ஒரு நிகழ்ச்சி! பார் சிறுத்ததால் படை பெருத்ததோ- படை பெருத்ததால் பார் சிறுத்ததோ- என்று வியப்புறும் வண்ணம் பாண்டியன் தலைநகரில் உதய சூரியனின் ஒளிக்கதிர்களென
