தனிச்சொற்கள்
135
bhojana, feeding, giving to eat; the act of enjoying, using, R.V., the act of eating; a meal, food.
bhojaniya, to be eaten, eatable ; to be fed, to be made to eat, Mn.; one to whom enjoyment is to be afforded or service to be done, Nir,; food (esp. what is not masticated, as opp. to khādaniya) MBh.
bhojin, enjoying, eating.
bhojya, to be enjoyed or eaten, eatable, what is enjoyed or eaten, anything to be enjoyed or eaten, a festive dinner.
bhōktavya, to be enjoyed or eaten, to be used or employed; to be possessed or governed or ruled, to be utilized or exploited, to be fed.
சென்னைப் ப.க.த. அகரமுதலியைத் தொகுத்தவர்கள், புகு (உண்) என்னும் தென்சொற்கும் புஜ் (bhuj) என்னும் வடசொற்கும் உள்ள தொடர்பை அறிந்தே, புகவு, புகா என்னும இரு சொற்களையும் புஜ் என்னும் வடசொல்லொடு ஒப்புநோக்கக் குறித்திருக்கின்றனர். ஆயின் தென்சொல்லே வடசொல்லின் மூலம் என்று காட்டுவது அவர் கருத்தன்று. வடமொழி தேவமொழி என்னும் அடாவடித்தன ஏமாற்றை அடிப்படையாகக் கொண்டு, வடமொழியிலுள்ள தென்சொல்லெல்லாம் வடசொல்லென்று சொல்லாமற் சொல்வதே, அவ் வொப்புநோக்கக் குறிப்பின் நோக்கம். தமிழை வடமொழித் திரிபாக அல்லது கிளையாகக் காட்ட வேண்டுமென்பதே சென்னைப் ப.க.த. அகரமுதலித் தொகுப்பாளரின் அடிப்படைக் கொள்கை யாதலால்,வடமொழிக்கு அடிப்படையான தென்சொற்களை யெல்லாம் வடசொல்லென்று காட்டுவதொடு, உண்மையில் தொடர்பின்றி ஒருமருங்கு ஒலியொத்த போலியொப்புமைச் சொற்களையும் வடசொற்களினின்று திரிப்பதிலும் அவற்றொடு ஒப்புநோக்குவதிலும், கண்ணுங்கருத்துமா யிருந்திருக்கின்றனர். எ-டு: ஆரியன் - ஐயன், ச்யாமா - சாமை. வேந்தன் - ஒ. நோ: தேவேந்திரன், மருந்து - ஒ. நோ : அம்ருத.
இதனால், தென்மொழி வடமொழிக்கு மூலமாயிருக்கலாம் என்னும் ஓர் அச்சம் அவர் உள்ளத்திற் குடிகொண்டிருந்ததென உய்த்துணரக் கிடக்கின்றது.
தமிழருட் பெரும்பாலார் மூவாயிரவாண்டு அடிமைத் தனத்தால் பகுத்தறிவு, தன்மானம், நெஞ்சுரம் ஆகிய முப்பண்பையும் முற்றும் இழந்திருப்பதனாலும், அவருள் மொழியாராய்ச்சியாளர் மிகச் சில்கியும் அவருள்ளும் வடமொழியாராய்ச்சியாளர் மிக அருகியும் இருப்பதனாலும், வடமொழியாளர் கூற்று மறுக்கொணா மறைமொழியாய் இருந்து வந்திருக்கின்றது. இதற்கு மூலக் காரணம் இடைக்கழகத்திற்குப் பிற்பட்ட மூவேந்தர் பேதைமையே.
