இப்பக்கம் மெய்ப்பு பார்க்கப்பட்டுள்ளது
2. மாமி அரசியற் படலம்
இவர்கதை இவ்வா றாக, இனிஎன்
மாமி கதையை வகுப்பேன் கேளும்.
அரங்கு பூட்டாம், அறைப்புரை பூட்டாம்,
தட்டுப் பூட்டாம், சாய்ப்புப் பூட்டாம்;[1]
அரிசியை நிதமும் அளந்து வைப்பாள்,
5
நல்ல மிளகை நறுக்கி வைப்பாள்.
கொல்ல மிளகைக்[2] குறுக்கி வைப்பாள்,
உப்பில் புளியை உருட்டி வைப்பாள்,
கறிக்குத் தேங்காய் கருக்கி வைப்பாள்,
கடுகையும் எண்ணிக் கணக்கிட்டு வைப்பாள்;
10
தீபா வளிக்குத் தீபா வளியே
எண்ணெ யறியும் என்தலை. அம்மா!
அரைக்க மஞ்சள் அளித்திடா மாமி
குளிக்க மஞ்சள் கொடுத்திடு வாளோ?
உம்மே லாணை, ஒருநா ளாகிலும்
15
கஞ்சியோ கூழோ காடி நீரோ
கும்பி யாரக் குடித்ததே யில்லை;
கந்தைத் துணிகள் கட்டின தல்லால்,
