49
இங்ஙனம் நியாய சபையை நாடி வரும் மாரி.
மாரி வக்கீல் மன்னார்சாமி, எதிரிக்கு வக்கீல் இல்லை.
★★★
நீதிபதி: சில்ஹாட்வாசி, நீதானா?
சி: நானேதான்!
நீ: மாரியின் வழக்கு மனுவைப் படித்தோம், கேட்டாயா?
சி: ஆஹா! எனக்கென்ன கேளாக் காதா? நன்றாகக் கேட்டது.
நீ: கோர்ட்டிலே, கேட்கும் கேள்விகளுக்குப் பதில் கூறவேண்டும், அதிகப் பிரசங்கித்தனம் கூடாது.
சி: உண்மைதான்! இருதரப்பிலும் இருக்கக்கூடாது.
நீ: மாரியின் வழக்கு மனுவிலே சொல்லியிருப்பது...................
சி: உண்மை. ஆனால் பூர்த்தியல்ல. மாரியை, நான் ஏசி உடையைக் கிழித்தேன் என்பதோடு, சரியான உதை கொடுத்தேன் என்பதையும், சேர்த்துக்கொள்ள வேண்டுகிறேன்.
மாரி வக்கீல்
மன்னார்: இது அவசியமற்றது. கோர்ட்டார் இதை நிராகரிக்க வேண்டுகிறேன்.
நீதி: மாரி! உதைபட்டது உண்மையா?
மாரி: ஆமாம்.
நீ: சரி! உன் வாக்குமூலம் கூறு. ஏன் இத்தகைய செயல் செய்தாய்?
