92
ஆக , விளையாட்டுப் போட்டிகளை நடத்தும் ஒலிம்பிக் பந்தயத்தில் கிரேக்கர்கள் முதன் முதலாக நடத்திய போட்டி ஓட்டப் போட்டியாகும். அதனை அவர்கள் Foot Race என்றனர்.
Race என்ற சொல்லுக்கு வேகம், விரைவு என்பதே பொருளாக அமைந்திருக்கிறது. (28 ஆம் பக்கம் உள்ள Race எனும் பகுதியைப் பார்க்கவும்). அவர்கள், காலால் வேகமாக ஓடும் ஓட்டத்தைத் தான் முதலில் நடத்தியிருக்கின்றனர்.
அவர்கள் Running Race என்று குறிப்பிடாமல் Foot Race என்று குறிப்பிட்டிருப்பதற்கும் காரணம் ஏதாவது, இருந்திருக்க வேண்டும் என்று தான் எண்ணத் தோன்றுகிறது.
கிரேக்க மக்கள் போர் வீரர்கள் போன்ற உடலமைப்பும் போர் புரியும் ஆற்றலும் நிறைந்திருந்தவர்கள் அல்லவா! அவர்கள், குதிரையேற்றம், மற்றும் தேரோட்டம் போன்றவற்றிலும் தேர்ச்சிப் பெற்றிருந்தவர்களாக விளங்கியிருந்தால், அதில் ஆச்சரியப்படுவதற்கு எதுவுமில்லை, ஏனெனில், அவர்கள் அடிக்கடி போர்க்களத்தில் பொருதிடும் பணியில் ஈடுபட்டாக வேண்டுமே!
அதனால், விரைவாகக் குதிரை செலுத்திப் போவது போல, வேகமாக தேரினை (Chariot) ஓட்டிப் போவதுபோல, வேகமாக கால்களாலும் ஓடிச் செல்ல வேண்டியதை குறிப்பிடவே அவர்கள் Foot Race என்று கூறியிருக்க வேண்டும்.
