42
சேவல்
மண்ணில் உழைத்ததால் நேர்ந்த
வலியினைப் போக்கவே உண்டு
கண்ணை இறுக்கியே தூங்கும்
காளையர் கன்னியர் வீட்டுத்
திண்ணை உறங்கிடு நாய்க்கும்
தெருவிடைத் துங்கிடும் ஆட்கும்
விண்ணில் ஒளிவரு செய்தி
விளம்புமே வைகறைச் சேவல்!............................. 3
பெட்டைக் குணவினைக் காட்டப்
பெருங்குரல் இன்றியே கூவும்;
பெட்டை உணவுணச் சேவல்
பின்புறம் நோக்கியே நிற்கும்;
கட்டைச் சுவரிடை ஏறிக்
காளையைப் போல் நடை காட்டும்;
முட்டை இடும்வரை சேவல்
முன்புறப் பின்புறக் காவல்!.................................. 4
நாணல் முளையினை வெட்டி
நறுக்கிய துண்டினைப் போலக்
காணும் விரலிடை முள்ளும்
சேவலின் கைப்படை வேலாம் !
துணைத் தாக்கிடு தூண்போல்
தோற்றிடு மட்டுமே கொத்தும் !
ஆணை எதிர்த்திடு சேவல்
ஆண்மையே ஆண்மையென் போமே !.............. 5