12
தற்கு முன்னர், இரு குழுத் தலைவர்களும் ஏற்றுக் கொண்டு முடிவு செய்வதற்கிணங்கவே, புதிய பந்தெறி தவணைகள் நிர்ணயம் செய்யப்படும்.
8. பந்தாடும் மட்டையின் (Bat) நீள அகலம் எடை எவ்வளவு?
ஒரு பந்தடி மட்டையின் அகலப் பரப்பானது, எந்த நிலையிலும் 4¼ அங்குலத்திற்கு மேற்படாமல் இருக்க வேண்டும். அதனுடைய மொத்த நீளப் பகுதியானது 28 அங்குலத்திற்கு மிகாமல் இருத்தல் வேண்டும்.
மட்டையின் எடையானது, ஆடுவோரின் அபிப்பிராயத்தைப் பொறுத்ததாகும். பொதுவாக, மட்டையின் எடையானது 2 பவுண்டு 2 அவுன்சிலிருந்து 2 பவுண்டு 10 அவுன்சு வரை இருப்பது போல் செய்யப்படுகிறது. அவரவருக்குத் தேவையான, பொருத்தமான எடையுள்ளதாகத் தேர்ந்தெடுத்துக் கொள்ள வேண்டும். அது தனிப்பட்ட ஒவ்வொருவரின் வசதியைப் பொறுத்ததாகும்.
9. விக்கெட் - {Wicket) என்றால் என்ன? அதன் அமைப்பை விவரி!
விக்கெட் என்பது மூன்று குறிக்கம்புகளால் (Stumps) ஊன்றி வைக்கப்பட்டு உருவாகியிருக்கும் ஒரு அமைப்பாகும்.
ஓவ்வொரு குறிக்கம்பும் ஒன்றைப் போல ஒன்று அளவிலும் கனத்திலும் அமைப்பிலும் ஒற்றுமையுடையதாக செய்யப்பட்டிருக்கிறது.
