வடுவூர் கே. துரைசாமி ஐயங்கார், 247
களையும் புரசைப்பாக்கத்தில் வைத்திருக்கிறார். இந்த அம்மாள் வேறே துணையில்லாமல் ஏகாங்கியாக இருப்பதால், இவர்களுக்கு வேண்டிய உதவிகளை எல்லாம் அவரே செய்து வருகிறார். அவர்
தான் எங்களை அனுப்பியது.
சிவஞான:- ஒகோ அப்படியா அவர் இந்த பங்களாவுக்கு எப்போதாவது வருவதுண்டா?
அந்த மனிதன்:- பகல் வேளைகளில் வந்து ஆக வேண்டிய சங்கதிகளைப் பேசிவிட்டுப் போய்விடுவார்.
சிவஞான:- இந்த நாடகத்தில் ஆடும் பெண் பிள்ளைகள் எல்லோரும் ஒருவருக்கொருவர் சொந்தக்காரர்களா? சொந்தம் இல்லாதவர்களா?
அந்த மனிதன்:- சொந்தக்காரர்கள் அல்ல. இதில் பல ஜாதியைச் சேர்ந்த பெண்களும் இருக்கிறார்கள்; பிராமணப் பெண்கள் இருக்கிறார்கள்; நாயுடு ஜாதிப் பெண்கள் இருக்கிறார்கள்; முதலியார் ஜாதிப் பெண்கள் இருக்கிறார்கள்; தாசி பெண்கள் இருக்கிறார்கள். எல்லா ஜாதிப் பெண்களும் இருக்கிறார்கள்.
சிவஞான:- (நயமாக) இந்த அம்மாள் எந்த ஜாதியைச் சேர்ந்த வர்கள் என்பது உனக்குத் தெரியுமா?
அந்த மனிதன்:- தெரியும்; இந்த அம்மாள் ஒரு முதலியார் வீட்டுப் பெண்ணாம்.
சிவஞான:- இந்த அம்மாளுடைய தாய் தகப்பன்மார் எல்லோரும் எங்கே இருக்கிறார்கள் தெரியுமா?
அந்த மனிதன்:- இரண்டு பேரும் இந்த அம்மாளுடைய சிறு வயதிலேயே இறந்து போய் விட்டார்களாம். யாரோ பாத்தியஸ்தர் வளர்த்துப் படிக்க வைத்தார்களாம்; பள்ளிக்கூடத்தில் இருந்த படியே, எஜமான் இவர்களை இந்த நாடகத்தில் சேர்த்துக்
கொண்டார்கள் - என்றான்.
சிவஞான:- இந்த அம்மாளுக்கு மாசம் எத்தனை ரூபாய்
சம்பளம்?
