சிலப்பதிகாரம்[தொகு]

இரண்டாவது மதுரைக்காண்டம்[தொகு]

18.துன்ப மாலை[தொகு]

ஆங்கு,

ஆயர் முதுமகள் ஆடிய சாயலாள்

பூவும் புகையும் புனைசாந்துங் கண்ணியும்

நீடுநீர் வையை நெடுமா லடியேத்தத்

தூவித் துறைபடியப் போயினாள் மேவிக் 5

குரவை முடிவிலோர் ஊரரவங் கேட்டு

விரைவொடு வந்தாள் உளள்;

அவள்தான்,

சொல்லாடாள் சொல்லாடாள் நின்றாள்அந் நங்கைக்குச்

சொல்லாடும் சொல்லாடுந் தான்; 10

எல்லாவோ,

காதலற் காண்கிலேன் கலங்கிநோய் கைம்மிகும்

ஊதுலை தோற்க உயிர்க்கும்என் நெஞ்சன்றே

ஊதுலை தோற்க உயிர்க்கும்என் நெஞ்சாயின்

ஏதிலார் சொன்ன தெவன்வாழி யோதோழீ; 15

நண்பகற் போதே நடுக்குநோய் கைம்மிகும்

அன்பனைக் காணாது அலவும்என் நெஞ்சன்றே

அன்பனைக் காணாது அலவும்என் நெஞ்சாயின்

மன்பதை சொன்ன தெவன்வாழி யோதோழீ;

தஞ்சமோ தோழீ தலைவன் வரக்காணேன் 20

வஞ்சமோ உண்டு மயங்கும்என் நெஞ்சன்றே

வஞ்சமோ உண்டு மயங்கும்என் நெஞ்சாயின்

எஞ்சலார் சொன்ன தெவன்வாழி யோதோழீ;

சொன்னது:-

அரைசுறை கோயில் அணியார் ஞெகிழம் 25

கரையாமல் வாங்கிய கள்வனாம் என்றே

குரைகழல் மாக்கள் கொலைகுறித் தனரே

எனக் கேட்டு,

பொங்கி எழுந்தாள் விழுந்தாள் பொழிகதிர்த் 30

திங்கள் முகிலொடுஞ் சேண்நிலம் கொண்டெனச்

செங்கண் சிவப்ப அழுதாள்தன் கேள்வனை

எங்கணா என்னா இனைந்தேங்கி மாழ்குவாள்;

இன்புறு தங்கணவர் இடரெரி யகமூழ்கத்

துன்புறு வனநோற்றுத் துயருறு மகளிரைப்போல் 35

மன்பதை அலர்தூற்ற மன்னவன் தவறிழைப்ப

அன்பனை இழந்தேன்யான் அவலங்கொண் டழிவலோ;

நறைமலி வியன்மார்பின் நண்பனை இழந்தேங்கித்

துறைபல திறமூழ்கித் துயருறு மகளிரைப்போல்

மறனொடு திரியுங்கோல் மன்னவன் தவறிழைப்ப 40

அறனென்னும் மடவோய்யான் அவலங் கொண்டழிவலோ;

தம்முறு பெருங்கணவன் தழலெரி யகமூழ்கக்

கைம்மைகூர் துறைமூழ்குங் கவலைய மகளிரைப்போல்

செம்மையின் இகந்தகோல் தென்னவன் தவறிழைப்ப

இம்மையும் இசையொரீஇ இனைந்தேங்கி அழிவலோ; 45

காணிகா,

வாய்வதின் வந்த குரவையின் வந்தீண்டும்

ஆய மடமகளி ரெல்லீருங் கேட்டீமின்

ஆய மடமகளி ரெல்லீருங் கேட்டைக்க

பாய்திரை வேலிப் படுபொருள் நீயறிதி 50

காய்கதிர்ச் செல்வனே கள்வனோ என்கணவன்

கள்வனோ அல்லன் கருங்கயற்கண் மாதராய்

ஒள்ளெரி உண்ணுமிவ் வூரென்ற தொருகுரல்.

துன்ப மாலை முற்றும்

பார்க்க

மதுரைக் காண்டம்

புகார்க் காண்டம்

வஞ்சிக் காண்டம்

[[]]