அயல்நாட்டு அறிஞர்கள் உதிர்த்த முத்துக்கள்/நடந்து செல்வதில் நன்மை

by முல்லை முத்தையா

(103) நடந்து செல்வதில் நன்மை

---

உடற்பயிற்சி அல்லது யோகாசனம் செய்வது உடலுக்கு நன்மை தரக் கூடியது.

அதை விரும்பாதவர்கள், வயதானவர்கள் சிறிது தூரம் நடப்பதை வழக்கமாகக் கொள்வார்கள்.

அதுவும் ஒருவகைப் பயிற்சியே ஆகும்.

வயதான காலத்திலும் கூட பெர்னார்ட்ஷா, தம்முடைய வீட்டுத் தோட்டத்தில் உலாவிக் கொண்டிருப்பாராம். -

தமிழ்நாட்டின் முதல் அமைச்சராயிருந்த ஒமந்துார் இராமசாமி ரெட்டியார் காலையிலும் மாலையிலும் கடற்கரையில் நடந்து செல்லும் வழக்கம் உடையவராம்.

அவ்வாறு பலர் நடப்பது உண்டு.

சார்லஸ் டிக்கன்ஸ் என்னும் ஆங்கில நாவல் ஆசிரியர் தினமும் வெகு தொலைவு நடப்பாராம். பன்னிரண்டு, பதினைந்து மைல்கள், சில சமயங்களில் இருபது மைல்கள் கூட நடப்பாராம்.

ப்ரெளனிங் என்னும் கவிஞர் எழுபது வயதிலும் கூட வெகுதூரம் நடப்பாராம்.

குவின்ஸி என்னும் ஆசிரியர் தினமும் பதினான்கு மைல்களுக்குக் குறையாமல் நடந்தால்தான் அவர் உடல் நலத்தோடு இருப்பாராம்.

நடப்பது என்பது அவரவர் விருப்பத்தையும், உடலையும் பொறுத்த விஷயம்.