மதுரைக் கோயில் வரலாறு
105
பொன் : இவனைப் பார்! இவன் தோளில் ஒரு பெண்ணை வைத்துள்ளான். அவள் கால் ஒன்று இடக்கையின் மேல் உள்ளது. வலக்கால் இவன் இடுப்பில் உள்ளது விரைந்து ஓடுவதுபோல் உள்ளான்.
கண்
- தன் அன்புக் காதலியை அழைத்துப்போகும் இவனைத் தடுக்க அவள் உற்றார் உறவினர் வந்திருக்கலாம். அவர்களிடமிருந்து தப்பித்து இவளைக் கொண்டு போவதற்காக இந்த ஏற்பாட்டை இவன் செய்திருக்
கலாம்.
பொன் : இது, 'கலிகாலக் காட்சி இத்தகையது' என்பதைக் காட்டுவது என்கிறார்களே!
கண்
- பரமன் பனிச்சடைமேல் பாவையை வைத்த செய்தியைப் பேசிக்கொண்டு, நாம் இப்படிச் சொல்வது சரியாகத் தோன்றவில்லை!
பொன் : சரி, நேரே போய்க் கூத்தப் பெருமானைக் கும்பிடுவோம். இருவரும் : "குனித்த புருவமும் கொவ்வைச்செவ் வாயில் குமிண்சிரிப்பும்
பனித்த சடையும் பவளம்போல் மேனியில் பால்வெண்ணீறும்
இனித்தமுடைய எடுத்தபொற் பாதமும் காணப்பெற்றால்
மனித்தப் பிறவியும் வேண்டுவ தேஇந்த மாநிலத்தே.’
55
பொன் : கண்ணப்பா! கூத்தப் பெருமான் திருமுன்னர் உள்ள இந் நடு மண்டபத்தின் இருபால் தூண்களையும் பார். கிழக்கே பிச்சைப் பெருமான், தருமன், வீமன், இரதி, வீரபத்திரர் ஆகியோர் உள்ளனர். மேற்கே மோகினி, அருச்சுனன், மனிதவிலங்கு, மன்மதன், அக்கினி வீரபத்திரர் ஆகியோர் உள்ளனர்.
கண்
- பிச்சைப்பெருமான் வழக்கம்போல் எடுப்பாக நிற்கிறார். முனிவர் மனைவியரைப் பார்! மேலே இருவர்; கிழக்கே ஒருத்தி; தெற்கே ஒருத்தி! ஒருத்தி நிற்கும் நிலை தன்னையே மறந்துவிட்டாள் போல இருக்கிறது!