49
மதி: சட்டத்தைவிட சம்பிரதாயம் பலம் பொருந்தியது தங்கமே!
குமாரி:
மாவொடு தழுவும் மலர்க்கொடிபோலே
மாதுதான் மருவ முடியாதோ?
மாது நான் மருவமுடியாதோ?
மதி:
மாதுன்னால் முடியும் ஆனாலும் மாண்பெனும்
மணிமுடி தடையுண்டு தெரியாதோ!
மணிமுடி தடையுண்டு தெரியாதோ!
குமாரி:
மேவுங் காதலில் உயர்வு தாழ்வெனும்
வித்யாசம் நினைப்பதும் இயல்பாமோ?
வித்யாசம் நினைப்பதும் இயல்பாமோ?
மதி:
விழியால் மொழியால் வித்யாச மில்லாது
வினவுகிறாய் பதில் சொல்லப்போமோ!
வினவுகிறாய் பதில் சொல்லப்போமா!
குமாரி:
கலப்பை தூக்கி முன்னாலே - கஞ்சிக்
கலையம் தாங்கிப் பின்னாலே.
கழனிசெல்லும் அழகைப்பாரும் கண்ணாலே
புருஷன் மனைவி
(கழவி)
மதி:
உழைப்பினிலே, புழக்கத்திலே,
ஒன்றுபட்ட இன்பக்காதல் தன்னாலே -
அவர்
உடல் நிழலாய் வாழவந்தார் மண்மேலே.
குமாரி:
பாத்தியிலே நீர்பாய்ச்சும்
பாவையைப் பாரீர் - அந்தப்
பாவையைப் பாரீர்.
மதி:
அதைப்
பார்த்துக் கணவன் ஏத்தம் இறைக்கும்
நேர்த்தியைப் பாராய்.
குமாரி:
ஆத்துக்குள்ளே ஆடைதுவைக்கும்
அழகியைப் பாரீர் - அந்த
அழகியைப் பாரீர்.
