சிலப்பதிகாரம்/புகார்க் காண்டம்/2.மனையறம்படுத்த காதை
இரண்டாவது காதை
2.மனையறம்படுத்த காதை[தொகு]
(நிலைமண்டில ஆசிரியப்பா)
- உரைசால் சிறப்பி் னரைசுவிழை திருவிற் உரை சால் சிறப்பின் அரைசு விழை திருவின்
- பரதர் மலிந்த பயங்கெழு மாநகர்பரதர் மலிந்த பயம் கெழு மா நகர்
- முழங்குகடல் ஞாலம் முழுவதும் வரினும்முழங்கு கடல் ஞாலம் முழுவதும் வரினும்
- வழங்கத் தவாஅ வளத்த தாகி வழங்கத் தவாஅ வளத்தது ஆகி
- யரும்பொரு டரூஉம் விருந்தின் றேஎ [5]அரு பொருள் தருஉம் விருந்தின் தேஎம்
- மொருங்குதொக் கன்ன வுடைப்பெரும் பண்டங்| ஒருங்கு தொக்கு அன்ன உடைப் பெரும் பண்டம்
- கலத்தினுங் காலினுந் தருவன ரீட்டக்| கலத்தினும் காலினும் தருவனர் ஈட்டக்
- குலத்திற் குன்றாக் கொழுங்குடிச் செல்வ | குலத்திற் குன்றாக் கொழும் குடிச் செல்வர்
- ரத்தகு திருவி னருந்தவ முடித்தோ | அத்தகு திருவின் அரு தவம் முடித்தோர்
- ருத்தர குருவி னொப்பத் தோன்றிய (10)| உத்தர குருவின் ஒப்பத் தோன்றிய
- கயமலர்க் கண்ணியுங் காதற் கொழுநனும்| கய மலர்க் கண்ணியும் காதல் கொழுநனும்
- மயன்விதித் தன்ன மணிக்கா லமளிமிசை| மயன் விதித்தன்ன மணிக் கால் அமளி மிசை
- நெடுநிலை மாடத் திடைநிலத் திருந்துழிக்| நெடு நிலை மாடத்து இடை நிலத்து இருந்துழிக்
- கழுநீ ராம்பல் முழுநெறிக் குவளை| கழுநீர் ஆம்பல் முழுநெறிக் குவளை
- யரும்புபொதி யவிழ்ந்த சுரும்பிமிர் தாமரை [15]| அரும்பு பொதி அவிழ்ந்த சுரும்பு இமிர் தாமரை
- வயற்பூ வாச மளைஇ யயற்பூ
- வயல் பூ வாசம் அளைஇ அயல் பூ
- மேதகு தாழை விரியல்வெண் டோட்டுக்
- மேதகு தாழை விரியல் வெண் தோட்டுக்
- கோதை மாதவி சண்பகப் பொதும்பர்க்
- கோதை மாதவி சண்பகம் பொதும்பர்த்
- தாதுதேர்ந் துண்டு மாதர்வாண் முகத்துப்
- தாது தேர்ந்து உண்டு மாதர் வாள் முகத்துப்
- புரிகுழ லளகத்துப் புகலேக் கற்றுத்
- புரி குழல் அளகத்துப் புகல் ஏக்கற்றுத் 20
- திரிதரு சுரும்பொடு செவ்வி பார்த்து
- திரிதரு சுரும்பொடு செவ்வி பார்த்து
- மாலைத் தாமத்து மணிநிரைத்து வகுத்த
- மாலைத் தாமத்து மணி நிரைத்து வகுத்த
- கோலச் சாளரக் குறுங்க ணுழைந்து
- கோலச் சாளரக் குறு கண் நுழைந்து
- வண்டொடு புக்க மணவாய்த் தென்றற்
- வண்டொடு புக்க மணம் வாய்த் தென்றல்
- கண்டு மகிழ்வெய்திக் காதலிற் சிறந்து 25
- கண்டு மகிழ்வு எய்திக் காதலில் சிறந்து
- விரைமலர் வாளியொடு வேனில்வீற் றிருக்கும்
- விரை மலர் வாளியொடு வேனில் வீற்றிருக்கும்
- நிரைநிலை மாடத் தரமிய மேறிச்
- நிரை நிலை மாடத்து அரமியம் ஏறிச்
- சுரும்புணக் கிடந்த நறும்பூஞ் சேக்கைக்
- சுரும்புஉணக் கிடந்த நறும்பூஞ் சேக்கைக்
- கரும்பும் வல்லியும் பெருந்தோ ளெழுதி
- கரும்பும் வல்லியும் பெருந்தோள் எழுதி
- முதிர்கடன் ஞால முழுவதும் விளக்கும்
- முதிர் கடல் ஞாலம் முழுவதும் விளக்கும் 30
- கதிரொருங் கிருந்த காட்சி போல
- கதிர் ஒருங்கிருந்த காட்சி போல
- வண்டுவாய் திறப்ப நெடுநிலா விரிந்த
- வண்டுவாய் திறப்ப நெடுநிலா விரிந்த
- வெண்டோட்டு மல்லிகை விரியன் மாலையொடு
- வெண் தோட்டு மல்லிகை விரியல் மாலையொடு
- கழுநீர்ப் பிணையல் முழுநெறி பிறழத்
- கழுநீர்ப் பிணையல் முழு நெறி பிறழத்
- தாரு மாலையு மயங்கிக் கையற்றுத் 35
- தாரும் மாலையும் மயங்கிக் கையற்றுத்
- தீராக் காதலின் றிருமுக நோக்கிக்
- தீராக் காதலின் திருமுகம் நோக்கிக்
- கோவலன் கூறுமோர் குறியாக் கட்டுரை
- கோவலன் கூறும்வஓர் குறியாக் கட்டுரை
- குழவித் திங்க ளிமையவ ரேத்த
- குழவித் திங்கள் இமையவர் ஏத்த
- வழகொடு முடித்த வருமைத் தாயினு
- அழகொடு முடித்த அருமைத்து ஆயினும்
- னுரிதி னின்னோ டுடன்பிறப் புண்மையிற்
- உரிதின் நின்னோடு உடன் பிறப்பு உண்மையின் 40
- பெரியோன் றருக திருநுத லாகென
- பெரியோன் தருக திரு நுதல் ஆக என
- வடையார் முனையகத் தமர்மேம் படுநர்க்குப்
- அடையார் முனை அகத்து அமர் மேம்படுநர்க்குப்
- படைவழங் குவதோர் பண்புண் டாகலி
- படை வழங்குவது ஓர் பண்பு உண்டு ஆகலின்
- னுருவி லாள னொருபெருங் கருப்புவி
- உருவிலாளன் ஒரு பெரு கருப்பு வில்
- லிருகரும் புருவ மாக வீக்க
- இருகரும் புருவ மாக ஈக்க, 45
- மூவா மருந்தின் முன்னர்த் தோன்றலிற்
- மூவா மருந்தின் முன்னர்த் தோன்றலின்
- றேவர் கோமான் றெய்வக் காவற்
- தேவர் கோமான் தெய்வக் காவல்
- படைநினக் களிக்கவத னிடைநினக் கிடையென
- படை நினக்கு அளிக்க அதன் இடை நினக்கு இடை என
- வறுமுக வொருவனோர் பெறுமுறை யின்றியு
- அறுமுக ஒருவன் ஓர் பெறு முறை இன்றியும்
- மிறுமுறை காணு மியல்பினி னன்றே
- இறுமுறை காணும் இயல்பினின் அன்றே 50
- யஞ்சுடர் நெடுவே லொன்றுநின் முகத்துச்
- அம் சுடர் நெடு வேல் ஒன்று நின் முகத்துச்
- செங்கடை மழைக்கண் ணிரண்டா வீத்தது
- செங்கடை மழைக் கண் இரண்டா ஈத்தது?
- மாயிரும் பீலி மணிநிற மஞ்ஞைநின்
- மா இரும் பீலி மணி நிற மஞ்ஞை நின்
- சாயற் கிடைந்து தண்கா னடையவு
- சாயற்கு இடைந்து தண் கான் அடையவும்
- மன்ன னன்னுதல் மென்னடைக் கழிந்து
- அன்னம் நல் நுதல் மெல் நடைக்கு அழிந்து 55
- நன்னீர்ப் பண்ணை நளிமலர்ச் செறியவு
- நல் நீர்ப் பண்ணை நளி மலர்ச் செறியவும்,
- மளிய தாமே சிறுபசுங் கிளியே
- அளிய தாமே சிறு பசுங்கிளியே
- குழலும் யாழு மமிழ்துங் குழைத்தநின்
- குழலும் யாழும் அமிழ்தும் குழைத்த நின்
- மழலைக் கிளவிக்கு வருந்தின வாகியு
- மழலைக் கிளவிக்கு வருந்தின ஆகியும்
- மடநடை மாதுநின் மலர்க்கையி னீங்கா
- மடநடை மாதுநின் மலர்க்கையின் நீங்காது 60
- துடனுறைவு மரீஇ யொருவா வாயின
- உடன் உறைவு மரீஇ ஒருவா ஆயின
- நறுமலர்க் கோதைநின் னலம்பா ராட்டுநர்
- நறு மலர்க் கோதை நின் நலம் பாராட்டுநர்
- மறுவின் மங்கல வணியே யன்றியும்
- மறு இல் மங்கல அணியே அன்றியும்
- பிறிதணி யணியப் பெற்றதை யெவன்கொல்
- பிறிது அணி அணியப் பெற்றதை எவன் கொல்?
- பல்லிருங் கூந்தற் சின்மல ரன்றியு
- பல் இருங் கூந்தல் சின் மலர் அன்றியும் 65
- மெல்லவிழ் மாலையொ டென்னுற் றனர்கொல்
- எல் அவிழ் மாலையொடு என் உற்றனர் கொல்?
- நான நல்லகி னறும்புகை யன்றியு
- நானம் நல் அகில் நறும் புகை அன்றியும்
- மான்மதச் சாந்தொடு வந்ததை யெவன்கொற்
- மான்மதம் சாந்தொடு வந்ததை எவன் கொல்?
- றிருமுலைத் தடத்திடைத் தொய்யி லன்றியு
- திரு முலைத் தடத்து இடைத் தொய்யில் அன்றியும்
- மொருகாழ் முத்தமொ டுற்றதை யெவன்கொற் 70
- ஒரு காழ்முத்தமொடு உற்றதை எவன் கொல்?
- றிங்கண்முத் தரும்பவுஞ் சிறுகிடை வருந்தவு
- திங்கள் முத்து அரும்பவும் சிறுகு இடை வருந்தவும்
- மிங்கிவை யணிந்தன ரென்னுற் றனர்கொல்
- இங்கு இவை அணிந்தனர் என் உற்றனர் கொல்?
- மாசறு பொன்னே வலம்புரி முத்தே
- மாசறு பொன்னே. வலம்புரி முத்தே
- காசறு விரையே கரும்பே தேனே
- காசறு விரையே கரும்பே தேனே
- யரும்பெறற் பாவா யாருயிர் மருந்தே
- அரும்பெறல் பாவாய் ஆர் உயிர் மருந்தே 75
- பெருங்குடி வாணிகன் பெருமட மகளே
- பெருங் குடி வாணிகன் பெரு மட மகளே
- மலையிடைப் பிறவா மணியே யென்கோ
- மலையிடைப் பிறவா மணியே என்கோ
- வலையிடைப் பிறவா வமிழ்தே யென்கோ
- அலை இடைப் பிறவா அமிழ்தே என்கோ
- யாழிடைப் பிறவா விசையே யென்கோ
- யாழ் இடைப் பிறவா இசையே என்கோ
- தாழிருங் கூந்தற் றையா றின்னையென் 80
- தாழ் இரு கூந்தல் தையால் நின்னை என்று
- றுலவாக் கட்டுரை பலபா ராட்டித்
- உலவாக் கட்டுரை பல பாராட்டித்
- தயங்கிணர்க் கோதை தன்னொடு தருக்கி
- தயங்கு இணர்க் கோதை தன்னொடு தருக்கி
- வயங்கிணர்த் தாரோன் மகிழ்ந்துசெல் வுழிநாள்
- வயங்கு இணர்த் தாரோன் மகிழ்ந்து செல்வுழிநாள்
- வாரொலி கூந்தலைப் பேரியற் கிழத்தி
- வார் ஒலி கூந்தலைப் பேர் இயல் கிழத்தி
- மறப்பருங் கேண்மையோ டறப்பரி சாரமும் 85
- மறுப்பு அருங் கேண்மையோடு அறப் பரிசாரமும்
- விருந்து புறந்தரூஉம் பெருந்தண் வாழ்க்கையும்
- விருந்து புறந்தருஉம் பெரு தண் வாழ்க்கையும்
- வேறுபடு திருவின் வீறுபெறக் காண
- வேறு படு திருவின் வீறு பெறக் காண
- வுரிமைச் சுற்றமோ டொருதனி புணர்க்க
- உரிமைச் சுற்றமோடு ஒரு தனி புணர்க்க
- யாண்டுசில கழிந்தன விற்பெருங் கிழைமயிற்
- யாண்டு சில கழிந்தன இல் பெருங் கிழமையின்
- காண்டகு சிறப்பின் கண்ணகி தனக்கென்
- காண் தகு சிறப்பின் கண்ணகி தனக்கு என் 90
(வெண்பா)[தொகு]
- தூமப் பணிகளொன்றித் தோய்ந்தா லெனவொருவார்
- தூமம் பணிகள் ஒன்றித் தோய்ந்தால் என ஒருவார்
- காமர் மனைவியெனக் கைகலந்து - நாமம்
- காமர் மனைவி எனக் கைகலந்து - நாமம்
- தொலையாத வின்பமெலாந் துன்னினார் மண்மே
- தொலையாத இன்பம் எலாம் துன்னினார் மண் மேல்
- னிலையாமை கண்டவர்போ னின்று.
- நிலையாமை கண்டவர் போல் நின்று.
மனையறம் படுத்த காதை முற்றியது
- காதையின் மொத்த அடிகள்:
- நிலைமண்டில ஆசிரியப்பா- 90 அடிகள்
- நேரிசை வெண்பா- 4 அடிகள்
- குறிப்பு:
- பாடலில் வரும் எல்லா அடிகளும் 'நேரடி'யாய் (நான்குசீ்ர்) இருந்தால் அது 'நிலைமண்டில ஆசிரியப்பா' ஆகும்.
- பார்க்க