நமச்சிவாயப் புலவர் இயற்றிய தனிப்பாடல்கள்
பாடல்கள் 24 தனிப்பாடல் திரட்டு மூலம் பக்கம் 114 முதல் 117
பாடல்களுக்குக் குறிப்புரை – செங்கைப் பொதுவன்1, 2
[தொகு]விருத்தம்
- அவிசெட்டி வாங்கு சுரர்க்கிறை நிகராய் வளமருவும் அமரரென்றே
- தவிசெட்டி மரம்போல வளர்ந்து இருப்போர் தமைப் பாடோந் தனிநற்கீரன்
- கவிசெட்டி திருவடியைப் புகழ் வணிகன் இசையுடன் நற்கவினார் தஞ்சைச்
- செவிசெட்டி பாலடைந் தானமது குறை விட்டோடுஞ் சேற்கண் மானே. (1)
- பாங்குயர் பளிங்கு மேடை கொல்லுலையா மாருதம் துருத்தியா நீடும்
- பகர்நிலாக் கற்றை பதடியா மூடும் படரிருட் குழாங்குடை கரியா
- ஓங்கிய செக்கர் உள்ளிடும் கனலா வுயர்பெரும் பனிகொடும் வகையா
- உருவிலி யென்னும் கொல்லனென் பொன்னை உருக்குமாறு என்கொலோ உரையாய்
- தூங்கிய விழியும் தாம்புடைக் கயிறும் தூம்புறு காம்பியற் குழலும்
- துவருடைத் துகிலும் கருவடைக் கழியுந்தொறு வியருறி படுகுடமும்
- தாங்கிய கையும் மெய்யுமாய் நின்று தண்ணளி பெய்யு மாமுகிலே
- தாண்டவராயா பாண்டவர் தூதா தாழ்வில்சீர் கோவலாதிபனே. (2)
3,4
[தொகு]- மெய்யாரப் புலிகாணப் பொதுவில் ஆட்டை
- மிகவெடுத்தீர் உமையாளுக்கு ஒருபங்கு ஈந்தீர்
- பையாரப் பணம் எடுத்தீர் ஐயாநீர் தாம்
- பாரறியச் சக்கரத்தை மாலுக்கு ஈந்தீர்
- செய்யாரத் தடம்புடை சூழ்கருவை வாழுந்
- திருக்காள வீச்சுரரே தேவரீர் தாங்
- கையார மழுவெடுத்துக் காட்டினாலும்
- களவும்மைக் கொண்டே நான் காண்பிப்பேனே.(3)
- மான்பிடித்தீர் முயன் மிதித்தீர் எவருங்காண
- மன்றுதனில் ஆடெடுத்தீர் மகத்து வந்த
- ஊன்பெருத்த யானையைக் கொன்றுரித்தீர் இப்பால்
- உரப்பான தலைக் கறிக்கும் உவந்தீரையா
- மீன்பொதிந்த விழி மடவாட்கொரு பங்கீந்தீர்
- மேலான வேடன் எச்சின் மிகவே கொண்டீர்
- கான்பொதிந்த காளத்தி நாதா வும்மைக்
- கழுக்கள் வந்து சுற்றுவதுங் காணத்தானே. (4)
5,6
[தொகு]- பருப்பதங்கள் ஒவ்வொரு தூண்பாவுக் கல்வளையாத பாரமேரு
- சுரிப்படங்காப் போதிகைநீ செய்த பணிவிடையை என்ன சொல்வேனையா
- தருப்பொலியுங் கரதலமுத் திருளப்பா சாமீநின்றாய் பாலுன்னைக்
- கருப்பனிமுன் திருப்பணிக்கென் றுருப்பணினான் மருப்பொலியுங் கமலத்தோனே. (5)
- சேதுபதி காத்தமுத்து ராமலிங்க துரைராச சிங்கமந்திரி
- மாதுபதி முத்திருளப்பன் கொடியவரி வேங்கை வளராதிக்கம்
- கோதுறு பாமரக்காடு கருணீகர் மும்மதக் கோல்யானை மற்றோர்
- மோதுபெரும் புலிக்காடு கல்விமான்களும் திரிந்தால் மோசந்தானே. (6)
7,8
[தொகு]கட்டளைக் கலித்துறை
- ஞாலத்தவரும் புகழ் குடந்தாபுரி நாதன் எங்கோன்
- காலப்புயல் வண்ணன் கண்மலர் சாத்தக் கருத்தில் உன்னி
- சீலத்தவனம் மடியான் என்றியார்க்குந் தெரியவிட்ட
- சூலக்குறி யல்லவோ நாமம் யாதெனச் சொல்லுவதே. (7)
- வியந்த நிசாசரனாம் என்று சந்தரனும் வெஞ்சனிக்குப்
- பயந்தவனாம் என்று பானுவும் வந்து பணியச் செம்பொன்
- நயந்தரு செல்வக் கழுகாசலமது நண்பு வைத்துச்
- செயந்தந்த தான் மதியாதவர் என்னத் திரிந்தனரே. (8)
9,10
[தொகு]- பொருகோட்டு வாரிநிலத்திற் குணங்கெட்ட பூரியரைத்
- தருகோட்டுக் கொம்பென்று உரைத்தென் பயன்வருந் தண்டமிழீர்
- வருகோட்டுத் திங்கண் முடிக்கூத்தர் தில்லை வனத்தில் வளர்
- ஒருகோட்டுக் கற்பகம் எல்லாம் தரும் தன்னை யுற்றவர்க்கே.(9)
வெறி விலக்கல்
- வண்டுறை சோலைமலைப் பரிகாரி வந்தால் இவளுக்
- கண்டுபடாத இக்காமச் சுரம் விடும் ஆதலினால்
- பண்டு பழகினர் போலிந்த வேளையில் பாயசத்தைக்
- கொண்டு வந்தீர் இதிற்றோடம் பிறந்திடும் கோதையரே. (10)
11,12
[தொகு]- படைத்தாம வேற்கண்ணி கண்ணீர்ப் பரவாகப் பரவை பொங்கி
- உடைத்தால் அடைத்தற்கு உபாயம் உண்டோ நறையூற் றிதழித்
- தொடைத்தார் மௌலியில் சும்மாடு கட்டிச் சுமந்துசுமந்
- தடைத்தால் அடைபடச் சொக்கேயிது வையை யாறல்லவே. (11)
- ஏழேழு சங்கத்துடன் இருந்தான் என்று இயம்புகின்றீர்
- பாழேழ் மையுற்றிடும் மானிடரே சொக்கர் பண்பறியீர்
- ஆழேழ் உலகத்துக் கப்பால் இருந்த அடிகள் உம்பர்
- வாழேழ் உலகத்துக் கப்பால் இருந்த மணிமுடியே. (12
13,14
[தொகு]- காவொன்றுங் கைத்தலத் தண்ணல் செல்லூரன் கனிந்து நம்மை
- வாவென்று அழைத்திட்ட மோதிரமே வண்மையான தமிழ்ப்
- பாவொன்றும் சற்றும் அறியாத புல்லர்தம் பக்கலிற் போய்த்
- தாவென்று கையெடுத்து ஏற்காமல் இட்டதடை யிதுவே. (13)
- தடக்கும் பகிம்புரிக் கொம்பாசலப் பெருந்தந்தி பட
- நடக்குந் துரங்கதுரை சீதக்காதி நன்னாட்டி னல
- வடக்குங்குமக் கொங்கை மின்னே யவன் தெரு வாயிலிலே
- கிடக்குங் கவியும் பரராச ரத்ந கிரீடமுமே. (14)
15,16
[தொகு]- பூமாதிருந் தென்ன புவிமாதிருந் தென்ன பூதலத்தில்
- நாமாதிருந் தென்ன நாமிருந் தென்ன நன்னாவலர்க்குக்
- கோமான் அழகர்மால் சீதக்காதி கொடை மிகுந்த
- சீமான் இறந்திட்ட போதே புலமையும் செத்ததுவே. (15)
- மாகத்தத்தும் புகழான் பகைவேந்தர் மகுடம் பொடி
- ஆகத்தத்தும் பரியான் சீதக்காதி யணிமலரின்
- ஏகத்தத்தும்பி யிசைபாடு மார்பனிலென் மகட்கோர்
- மோகத்தத்து உண்டென்று சொன்னாரிலை முன் மொழிந்தவரே. (16)
17,18
[தொகு]- மைப்போதகமும் வளநாடும் செந்தமிழ் வாணர்க்கருள்
- கைப்போதக மனையான் சீதக்காதியைக் காத்திருந்த
- அப்போது அறிந்திலம் இப்பாழ் பணத்தின் அருமை யெல்லாம்
- இப்போது அறிந்தனம் ஈயாதலோபர் இடத்தில் சென்றே. (17)
- கிட்டாது பெண்குடி மார்க்கம் கணவன் கிழவனல்ல
- பட்டாணிச் சேவகன் அல்லும் பகலும் அப்பாற் பிசக
- ஒட்டான் பொய்யல்ல மலைமேல் இருக்கும் உமக்கும் இவள்
- எட்டாத கொம்பில் கனிகாண் பரங்குன்று இருப்பவனே. (18)
19,20
[தொகு]- மஞ்சுமஞ்சுங் கைப்பர ராஜசேகர மன்னன் வெற்பில்
- பஞ்சுமஞ்சும் பதப்பாவை நல்லீர் படைவேள் பகழி
- அஞ்சுமஞ்சுங் கயலஞ்சு மஞ்சுங் கடலஞ்சு மஞ்சும்
- நஞ்சுமஞ்சும் வெற்றி வேலோ உனது நயனங்களே. (19)
வெண்பா
- பாரார் சொல்லாரார் பறவைக் குலங் கடம்மிற்
- சீராரும் கிள்ளை முதல் செப்பலால்-ஓரா
- இரம்பை யானந்த ரங்கனின் பரங்க னன்பன்
- பிரம்பை யானந்த ரங்கன்பேர். (20)
21,22
[தொகு]- பங்கயமும் ஏரிகளும் பாவையர் கையும் மணியும்
- தங்களைச் சூழுந் தணிகையே- திங்கணுதற்
- செந்தில் அகத்தாள் புனிதன் செலவன் கடற்கரைசேர்
- செந்தில் அகத்தாள் புனிதன் சேர்பு. (21)
- சொல்வாரார் வள்ளியுடன் தோய்ந்தருண் முத்தையனுக்கு
- வல்வாரார் மானேயென் மையறனை- வில்வாய்ந்த
- தெள்ளிருக்கும் வேளூர் சிறுகாலுண் பானுமிசை
- புள்ளிருக்கம் வேளூர் புகுந்து. (22)
23,24
[தொகு]- கோலெடுத்துக் கோத்துரத்துங் கோப்பாண்டி மன்னன்வடி
- வேலெடுத்துக் கோத்துரத்தில் விட்டிலனே- சால்படுத்த
- பூபாலன் ஆனாலும் போமோ புராதனத்திற்
- கோபாலன் ஆன குணம். (23)
கட்டளைக் கலிப்பா
- விதுவை யம்பதி யோசையைப் பேரிகவிகை யெனும் மதன்வில்லில் வண்டேற்றினான்
- மதுவை யம்பதி வேகமோடெய்து குவலயமீது வைக்கவென் னுள்ளநோ
- குதுவையம் பதினாலும் புகழ்பெறும் குமுணன் கன்னன் கொடைகளை மாற்றிய
- புதுவை யம்பதி வேங்கட ராயன்பாற் புகலிவ் வேளையில் என்றன் கைப்பூவையே. (24)