இப்பக்கம் மெய்ப்பு பார்க்கப்பட்டுள்ளது
செயற்கை நிலாவிலுள்ள விலங்குகள் மற்றும் வான் வெளி வீரர்களின் இதயத்துடிப்பு, குருதியழுத்தம் முதலியவற்றை வானொலிக் குறியீடு மூலம் அறிதல்.
21. புவிவெளி உயிரியல் என்றால் என்ன?
- புவிக்கு அப்பாலுள்ள கோள் உயிரிகளை ஆராயுந்துறை. வானவெளி அறிவியல் என்னும் பரந்த அறிவியலோடு தொடர்புடையது.
22. உருவியல் என்றால் என்ன?
- ஒர் உயிரியின் உருவத்தை ஆராயுந்துறை. புற உருவியல் அக உருவியல் என இருவகை.
23. பருவ இயல் என்றால் என்ன?
- பருவ நிலைகளில் தாவரங்கள் தாக்குறுவதை ஆராயுந் துறை. குறிப்பாகக் பூக்கள் பூத்தல், பறவை முதலியவை இடம் பெயர்தல் ஆகியவைபற்றி ஆராய்வது.
24. நுண்ணுயிரி என்றால் என்ன?
- வெற்றுக் கண்ணுக்குத் தெரியாத உயிர். எ.டு. அமீபா, கிளமிடோமோனாஸ்.
25. நுண்ணுயிரி இயல் என்றால் என்ன?
- நச்சுயிர், குச்சி வடிவ உயிர் ஆகியவற்றை ஆராயுந்துறை.
26. கதிரியல் உயிரியல் என்றால் என்ன?
- உயிரிகளில் கதிர்வீச்சின் விளைவுகளை ஆராயுந்துறை உயிரியியலின் பிரிவு.
27. கதிரியல் மரபணுவியல் என்றால் என்ன?
- கால்வழியால் கதிர்வீச்சு விளைவுகளை ஏற்படுத்தும் மாற்றங்களை ஆராயுந்துறை.
28. உயிரியலின் ஒரு பிரிவு. புவி உயிர்பரவியல் என்றால் என்ன?
- இவ்வுலகில் தாவரங்களும் விலங்குகளும் பரவி இருப்பதை ஆராயுந்துறை.
29. உயிரியல் அளவை என்றால் என்ன?
உயிரியலைப் புள்ளி இயல் முறையில் ஆராய்வது. உயிரியல் பயனியல் (பயானிக்ஸ்) என்றால் என்ன? உயிரியின் செயல்களை ஆராய்ந்து, அவ்வராய்ச்சியின் அடிப்படையில் உருவாகும் நெறிமுறைகளைக் கணிப்-
